Na pryjomie z udziełam Trampa i inšych pieršych asob ZŠA strałok adkryŭ ahoń
Na ŭračystym pryjomie Asacyjacyi karespandentaŭ pry Biełym domie ŭ hateli Washington Hilton adbyłasia stralanina. Na mierapryjemstvie prysutničali prezident ZŠA Donald Tramp, pieršaja łedzi i klučavyja ministry. Prezident i jaho asiarodździe nie paciarpieli, napadnik zatrymany.
Vystrały prahučali ŭ samy razhar viečara. Pavodle śviedčańniaŭ vidavočcaŭ, u zale pačałasia panika: udzielniki viačery chavalisia pad stałami, a ahienty Sakretnaj słužby sa zbrojaj u rukach zabiaśpiečvali evakuacyju vyšejšych asob. Siarod tych, kaho terminova vyvieli z zały, byli prezident Donald Tramp i Miełanija Tramp, vice-prezident Džej Dzi Vens, ministr abarony Pit Chiehsiet, ministr achovy zdaroŭja Robiert Kienedzi-małodšy.
Adzin z ahientaŭ Sakretnaj słužby pry napadzie strałka atrymaŭ kulu, ale jaho vyratavaŭ broniežylet.
Padazravany byŭ zatrymany na miescy. Pavodle papiarednich danych, heta Koŭł Tomas Alen (Cole Thomas Allen), 31‑hadovy nastaŭnik z Kalifornii. Pavodle palicyi, jon byŭ uzbrojeny drabavikom, pistaletam i mieŭ pry sabie niekalki nažoŭ.
Donald Tramp užo prakamientavaŭ incydent, nazvaŭšy napadnika «vielmi chvorym čałaviekam» i «zabojcam-adzinočkam». Jon vysoka acaniŭ dziejańni śpiecsłužbaŭ, nazvaŭšy ich pracu «fantastyčnaj».
Mierapryjemstva, na jakim adbyłosia zdareńnie, adkładziena jak minimum na miesiac. Tramp zajaviŭ, što choć jon sam «adčajna chacieŭ zastacca», pavodle pratakoła biaśpieki jaho vymusili pakinuć budynak, bo nie było peŭnaści, što pahroza likvidavanaja.
Matyvy strałka pakul zastajucca nieviadomymi.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ8
Kamientary