U subotu na praśpiekcie Pieramožcaŭ źmieniać maršruty hramadskaha transpartu z-za paŭmarafonu
Źmieny zakranuć niekalki maršrutaŭ.
U suviazi z praviadzieńniem lohkaatletyčnaha paŭmarafonu OneRun Belarus i zakryćciom ruchu ŭsich vidaŭ transpartu na ŭčastkach vulicy Ratamskaj i praśpiekta Pieramožcaŭ unosiacca źmieny ŭ arhanizacyju ruchu transpartu ŭ subotu, 23 maja.
Z 6.00 da 13.30 budzie pierakryta vulica Ratamskaja ad vulicy Miastroŭskaj da praśpiekta Pieramožcaŭ. U suviazi z hetym rabota aŭtobusnaha maršrutu №190E z boku RKMC budzie arhanizavana pa vulicy Parkavaj (ahraharadok Ždanovičy), praśpiekcie Pieramožcaŭ, MKAD i vulicy Cimirazieva biez vykanańnia prypynačnych punktaŭ na źmienienym učastku. U zvarotnym napramku ruch zastaniecca bieź źmien.
Z 8.45 da 12.00 miarkujecca pierakryćcio niacotnaha boku praśpiekta Pieramožcaŭ ad MKAD da vulicy Naračanskaj. Rabota aŭtobusnych maršrutaŭ №44, №119S i №136 z boku stancyi Ždanovičy budzie arhanizavana pa praśpiekcie Pieramožcaŭ, MKAD, vulicach Cimirazieva i Naračanskaj, a zatym — pa maršrutach. Dla aŭtobusnych maršrutaŭ №44 i №136 buduć vykonvacca ŭsie prypynačnyja punkty na źmienienym učastku. Dla maršrutu №119S buduć vykonvacca prypynačnyja punkty «Ratamskaja», «Budaŭniča-vystavačny kompleks», «Kamajskaja» i « 2‑ia haradskaja dziciačaja balnica».
Na čas praviadzieńnia mierapryjemstva z transpartnaha absłuhoŭvańnia vyklučajucca prypynačnyja punkty «Akvapark», «Ržaviec» i «Viaśninka» pa praśpiekcie Pieramožcaŭ u napramku vulicy Naračanskaj.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna7
Kamientary