Minčanka pazbaviła baćku svajoj dački baćkoŭskich pravoŭ, prosta kab jaho «lišni raz nie turbavać»
Svajaki mužčyny navat nie viedajuć pra isnavańnie dački.
U Minsku sud razhledzieŭ hramadzianskuju spravu ab pazbaŭleńni baćkoŭskich pravoŭ baćki 12‑hadovaj dziaŭčynki, pišuć Minsk-naviny.
Žycharka stalicy raskazała, što šmat hadoŭ tamu była ŭ adnosinach ź inšaziemcam, ź jakim płanavała stvaryć siamju. Paśla naradžeńnia dački mužčyna aficyjna pryznaŭ baćkoŭstva, adnak z časam para razyšłasia.
Paźniej baćka dziciaci viarnuŭsia na radzimu, dzie stvaryŭ novuju siamju. U Biełaruś jon pryjazdžaje redka, choć u jaho zastajecca dom pad Minskam. Pavodle słoŭ pazoŭščycy, svajaki mužčyny navat nie viedajuć pra isnavańnie dački.
Sama žančyna taksama vyjšła zamuž i zachavała z byłym partnioram narmalnyja adnosiny. Jana nie źviartałasia ŭ sud pa alimienty i nie prymała ad jaho materyjalnaj dapamohi. Čamu vyrašyła ŭsio ž źviarnucca ŭ sud? Prosta kab lišni raz nie turbavać mužčynu nakont zhody na vyjezd dački za miažu abo źmianieńnie rehistracyi.
Jak paviedamiła staršy pamočnik prakurora Savieckaha rajona Taćciana Litvinčuk, adkazčyk całkam pryznaŭ pazoŭ. Jon patłumačyŭ, što nie płanuje ŭdzielničać u vychavańni dački, chacia pry nieabchodnaści hatovy akazvać finansavuju padtrymku. Apošni raz mužčyna bačyŭ dzicia ŭ 2018 hodzie.
Sud pryniaŭ rašeńnie pazbavić mužčynu baćkoŭskich pravoŭ.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary