«Ludzi znachodziacca ŭ bambaschoviščach». Usik raspavioŭ pra masiravany napad na Ukrainu adrazu paśla pieramohi nad Vierchovienam
Ukrainski baksior Alaksandr Usik paśla pieramohi nad Ryka Vierchovienam u bai za tytuł čempijona śvietu WBC u ciažkaj vazie adrazu ž zhadaŭ pra masiravany napad, jaki Ukraina pieražyła nočču z boku Rasii.
Heta była ŭnikalnaja padzieja — pajadynak pa praviłach boksa pamiž čempijonam-baksioram i čempijonam pa kikboksinhu, jaki prajšoŭ u Jehipcie. Alaksandr Usik atrymaŭ pieramohu techničnym nakaŭtam u 11‑m raŭndzie, abaraniŭšy svoj tytuł čempijona śvietu pa viersii WBC.
Histaryčny pajadynak vydaŭsia dla ŭkrainskaha čempijona nadzvyčaj składanym, adnak u 11‑m raŭndzie Usik zmoh pierałamać chod pajadynku, adpraviŭšy supiernika ŭ nakdaŭn mocnym apierkotam, paśla čaho refiery spyniŭ boj za siekundu da kanca raŭnda, zafiksavaŭšy pieramohu ŭkrainca techničnym nakaŭtam.
Adrazu na rynhu Usika spytali, nakolki važnaja dla jaho hetaja pieramoha. Zamiest apoviedaŭ pra pośpiech uradženiec Kryma źviarnuŭ uvahu publiki na trahiedyju, jakaja adbyvajecca na jaho radzimie: padčas boju Rasija raspačała čarhovuju masiravanuju ataku na ŭkrainskija harady z vykarystańniem rakiet i bieśpiłotnikaŭ.
«Dla mianie heta [pieramoha] vielmi važnaja, ale zaraz maje ludzi va Ukrainie znachodziacca ŭ bambaschoviščach, pad atakaj. Maja dačka napisała mnie: «Tata, ty pieramožaš». Ryka, ty niezvyčajny. Maja kamanda, ja ciabie lublu. Kaciaryna, ty majo žyćcio i majo serca», — skazaŭ Usik.
«Ja pryśviačaju hety boj ukraincam i ŭkrainskim vajskoŭcam», — zajaviŭ jon.
Hety tryumf staŭ 25‑j pieramohaj u prafiesijnaj karjery Alaksandra Usika. Jon pa-raniejšamu zastajecca niepieramožnym čempijonam śvietu.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary