«Людзі знаходзяцца ў бамбасховішчах». Усік распавёў пра масіраваны напад на Украіну адразу пасля перамогі над Верховенам
Украінскі баксёр Аляксандр Усік пасля перамогі над Рыка Верховенам у баі за тытул чэмпіёна свету WBC у цяжкай вазе адразу ж згадаў пра масіраваны напад, які Украіна перажыла ноччу з боку Расіі.
Гэта была ўнікальная падзея — паядынак па правілах бокса паміж чэмпіёнам-баксёрам і чэмпіёнам па кікбоксінгу, які прайшоў у Егіпце. Аляксандр Усік атрымаў перамогу тэхнічным накаўтам у 11‑м раўндзе, абараніўшы свой тытул чэмпіёна свету па версіі WBC.
Гістарычны паядынак выдаўся для ўкраінскага чэмпіёна надзвычай складаным, аднак у 11‑м раўндзе Усік змог пераламаць ход паядынку, адправіўшы суперніка ў накдаўн моцным аперкотам, пасля чаго рэферы спыніў бой за секунду да канца раўнда, зафіксаваўшы перамогу ўкраінца тэхнічным накаўтам.
Адразу на рынгу Усіка спыталі, наколькі важная для яго гэтая перамога. Замест аповедаў пра поспех ураджэнец Крыма звярнуў увагу публікі на трагедыю, якая адбываецца на яго радзіме: падчас бою Расія распачала чарговую масіраваную атаку на ўкраінскія гарады з выкарыстаннем ракет і беспілотнікаў.
«Для мяне гэта [перамога] вельмі важная, але зараз мае людзі ва Украіне знаходзяцца ў бамбасховішчах, пад атакай. Мая дачка напісала мне: «Тата, ты пераможаш». Рыка, ты незвычайны. Мая каманда, я цябе люблю. Кацярына, ты маё жыццё і маё сэрца», — сказаў Усік.
«Я прысвячаю гэты бой украінцам і ўкраінскім вайскоўцам», — заявіў ён.
Гэты трыумф стаў 25‑й перамогай у прафесійнай кар’еры Аляксандра Усіка. Ён па-ранейшаму застаецца непераможным чэмпіёнам свету.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос15
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1212
Каментары