Ci pracuje ŭžo novy sposab apłaty ŭ kramach pa QR-kodzie? Žurnalisty pravieryli

Što za «Krok» i pry čym tut QR-kody?

Na dniach Nacyjanalny bank pradstaviŭ novy płaciežny servis «Krok». Dla apłaty ŭ im vykarystoŭvajecca QR-kod, patrebnaja suma śpisvajecca z rachunku praz bankaŭski dadatak. Tak, mahčymaść płacić z vykarystańniem QR-koda ŭ krainie była i raniej, praz dadatak «Apłaci», a zaraz spampoŭvać asobny dadatak nie patrabujecca.

Apłata mahčymaja ŭ dvuch farmatach:

• na kasie dla pakupnika hienierujecca QR-kod, toj jaho skanuje i traplaje ŭ dadatak svajho banka, dzie paćviardžaje sumu apłaty;

• čałaviek hienieruje svoj QR-kod u bankaŭskim dadatku, dla apłaty tavaru kasir skanuje hety kod.

Nacyjanalny płaciežny servis realizavany na bazie sistemy imhniennych płaciažoŭ Nacbanka i płaciežnaj sistemy ARIP. Takija servisy QR-płaciažoŭ daŭno raspaŭsiudžany za miažoj: naprykład, SBP — u Rasii, AliPay i WeChat Pay — u Kitai.

Pakul «Krokam» mohuć skarystacca tolki klijenty 5 bujnych bankaŭ, padklučanych da jaho:

• Biełarusbank;

• Biełahraprambank;

• Alfa Bank;

• Pryjorbank;

• Bank Dabrabyt.

Z 1 lipienia servis byŭ zapuščany ŭ abmiežavanaj kolkaści miescaŭ, a ź siaredziny lipienia Nacbank abiacaŭ masavy zapusk. Z 1 śniežnia 2026 hoda «Krok» pavinien stać dastupnym astatnim biełaruskim bankam.

Śpis miescaŭ, dzie ŭžo možna tak płacić:

• «Biełmarkiet» u Minsku na vuł. Kupreviča;

• «Susiedzi» na vuł. Šuhajeva, Surhanava, Bialinskaha;

• «Hipa» na vuł. Žukoŭskaha;

• Green na pr. Haziety «Praŭda»;

• AZS «A-100» na Daŭhinaŭskim trakcie;

• «5 elemient» na vuł. Dzianisaŭskaj i pr. Dziaržynskaha;

• Pałac vodnaha sportu na vuł. Surhanava;

• «Prosta markiet» na vuł. Łožynskaj;

• «Pica Lisica» i Sushi House — anłajn.

Za miežami Minska:

• «Machorka» ŭ Homieli na vuł. Baradzina;

• «Budmarkiet» u Salihorsku na vuł. K. Zasłonava;

• Linecom u Viciebsku na pr. Pieramohi.

Ci atrymałasia skarystacca

Žurnalisty adpravilisia pravieryć sistemu ŭ «Susiedzi» na vuł. Surhanava. Na kasie samaabsłuhoŭvańnia byŭ śpiecyjalny fijaletavy stykier, ale ŭ samim interfiejsie kasy žurnalisty patrebnuju knopku nie znajšli. Kasir taksama nie viedała, jak skarystacca. U vyniku apłačvali zvyčajnaj bankaŭskaj kartaj.

Pavialičyć

U bankaŭskim dadatku knopka «Krok» źjaviłasia paśla abnaŭleńnia prahramy. Klik pa knopcy viadzie na mahčymaść skaniravać QR-kod abo stvaryć svoj. U zhienieravanaha vielmi karotki čas dziejańnia — tajmier adličvaje paŭchviliny.

Pavialičyć

Pavialičyć

U supiermarkiecie «Hipa» na vuł. Žukoŭskaha novy sposab apłaty znajšli ŭ samym kancy śpisu mieniu na kasie samaabsłuhoŭvańnia. Miarkujučy pa paznacy, jon padychodzić tolki dla klijentaŭ Pryjorbanka (ź ich prahramaj udałosia apłacić), dadatak Alfa Banka nie spracavaŭ.

Pavialičyć

Kali ž «Krokam» pasprabavali skarystacca ŭ toj ža kramie na zvyčajnaj kasie, to apłata nie prajšła.

• 0
• 0
• 0
• 0
• 0
• 0
• 0
• 0