Švahier žonki Viktara Łukašenki Lilii Alaksandr Harusaŭ słužyŭ u KDB, a ciapier zaniaty ŭ biznesie Ludmiły Niaronskaj. «Biuro» vyvučyła pracoŭnuju bijahrafiju ŭsioj siamji Harusavych.
Siastra Lilii Łukašenki Ina Harusava pačynała svaju karjeru ŭ sistemie adukacyi, ale ŭ 2009 hodzie jana pierajšła pracavać u Apieratyŭna-analityčny centr pry Łukašenku. U nastupnych zapisach pracadaŭcam Harusavaj paznačanaja vajskovaja častka №08188, jakuju taksama źviazvajuć z AAC.
Starejšy syn Harusavych Kirył u 2014 hodzie pačaŭ pracu ŭ kampanii «Zomieks Inviestmient», jakaja ŭvachodziła ŭ dyviełapierskuju hrupu Dana Holdings, źviazanuju ź sierbskim siamiejstvam Karyčaŭ. Na momant pracaŭładkavańnia jamu było 17‑18 hadoŭ. Paźniej kampaniju pierajmienavali ŭ «Emirejts Blu Skaj».
U svaim profili LinkedIn Kirył Harusaŭ nazyvaŭ siabie namieśnikam dyrektara «Emirejts Blu Skaj». U žniŭni 2021 hoda ŭłady ZŠA ŭklučyli hetuju kampaniju ŭ sankcyjny śpis, paznačyŭšy jaje raniejšuju nazvu «Zomieks Inviestmient» i suviaź z Dana Holdings.
U 2021 hodzie plamieńnik Lilii Łukašenki pierajšoŭ u «Ryviersajd Deviełapmient Limited» — biełaruskuju kampaniju, jakaja realizuje ŭ Minsku maštabny dyviełapierski prajekt «Paŭnočny bierah». Prajekt taksama źviazvaŭsia ź siamiejstvam Karyčaŭ.
Z maja 2024 hoda pracadaŭcam Kiryła stała kampanija «Ścischo». Jana ŭvachodzić u biznes-impieryju nabližanaha da Viktara Łukašenki biznesmiena Alaksandra Zajcava. Kampanija realizuje prajekt pa pierapracoŭcy miasa na terytoryi admysłovaj ekanamičnaj zony «Bremina — Orša», stvoranaj pavodle asobnaha ŭkaza Łukašenki.
Kiruje «Ścischo» Andrej Čyrko — były vajskoviec toj ža častki №08188, u jakoj pracavała maci Kiryła — Ina Harusava. Raniej «Biuro» raskazvała, što Čyrko taksama źviazany ź inšymi aktyvami Zajcava.
Małodšy syn Alaksandra i Iny Uładzisłaŭ Harusaŭ vučyŭsia pa śpiecyjalnaści «suśvietnaja ekanomika» na fakultecie mižnarodnych adnosinaŭ BDU.
Hulaje ŭ chakiejnaj kamandzie Viktara Łukašenki «Bastyjon-2», dzie trenieram pracuje Dźmitryj Baskaŭ.
Pieršym pracadaŭcam Uładzisłava, u 2023 hodzie, stała bresckaja kampanija «ZachadTransEkśpiedycyja», jakaja zajmajecca łahistykaj i transpartna-ekśpiedycyjnymi pasłuhami. Kampanija ŭvachodzić u biznes-impieryju Ludmiły Niaronskaj.
U listapadzie 2023‑ha Harusaŭ pierajšoŭ u minskuju firmu «Partniorskaja prahrama». U lipieni 2025 hoda jaje pierajmienavali ŭ «EfEłEs Kompani». Ciapier jana nabiraje supracoŭnic i supracoŭnikaŭ dla klijenckaj padtrymki prajektaŭ u śfiery iGaming.
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach22
Kamientary
Voś na kaho treba nakładać sankcyi.