«Jašče dzieviać miesiacaŭ tamu ja siadzieŭ u turmie ŭ žorstkich umovach i nie moh sabie ŭjavić, što kali-niebudź vyjdu na volu…», — skazaŭ pravaabaronca.
U Vašynhtonie staršyniu pravaabarončaha centra «Viasna», łaŭreata Nobieleŭskaj premii miru i byłoha palitviaźnia Alesia Bialackaha adznačyli miedalom Nacyjanalnaha fondu ŭ padtrymku demakratyi (NED) za šmathadovuju pracu dziela svabody, pravoŭ čałavieka i demakratyi ŭ Biełarusi, piša «Viasna»
«Dla mianie honar być uznaharodžanym medalom za słužeńnie demakratyi poruč z vybitnymi ludźmi, jakija zmahalisia za svabodu i suprać tatalitaryzmu, takimi jak Vacłaŭ Haveł i Asvalda Pajá… Dva hady tamu vy ŭšanavali hetym miedalom biełaruskuju demakratyčnuju liderku Śviatłanu Cichanoŭskuju, a ciapier tut ja — heta pryznańnie svabodalubnaha pamknieńnia biełaruskaha narodu, jaki choča žyć u niezaležnaj i demakratyčnaj krainie…» — kamientuje ŭznaharodžańnie Aleś Bialacki.
NED paviedamiŭ, što hetym razam uznaharodziŭ nobieleŭskaha łaŭreata za jahony ŭniosak u słužeńnie demakratyi i asobna adznačyŭ, što Aleś Bialacki pieražyŭ źniavoleńnie i pieraśled za supraciŭ aŭtarytaryzmu, dakumientavańnie złoŭžyvańniaŭ biełaruskaha režymu i abaronu ludziej, čyje asnoŭnyja pravy byli parušanyja.
«Jašče dzieviać miesiacaŭ tamu ja siadzieŭ u turmie ŭ žorstkich umovach i nie moh sabie ŭjavić, što kali-niebudź vyjdu na volu… Anivodnaj chviliny paśla vyzvaleńnia ja nie zabyvaju, što ŭ łukašenkaŭskich turmach znachodziacca jašče bolš za 900 źniavolenych», — skazaŭ pravaabaronca.
Ciapier čytajuć
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram17
«Pryhraziła pajści da inšaha». U MUS raskazali padrabiaznaści zabojstva 43‑hadovaj ciažarnaj žančyny chakiejnym arbitram
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary