Zdareńnie było siońnia zadoŭha da śvitańnia, a 4:30.
Supracoŭniki DAI padali kiroŭcu VAZa sihnał ab spynieńni, ale toj praihnaravaŭ jaho i praciahnuŭ ruch. Pačaŭsia pieraśled, paviedamlaje pres-słužba MUS.
Na nieadnarazovyja patrabavańni milicyjanieraŭ parušalnik nie reahavaŭ i sprabavaŭ źjechać. U vyniku była vykarystana tabielnaja zbroja.
Za rulom apynuŭsia 32‑hadovy nieadnarazova sudzimy žychar Barysaŭskaha rajona. Jaho fizičny stan vyklikaŭ padazreńni ŭ inśpiektaraŭ. Ad prachodžańnia miedycynskaha ahladu jon admoviŭsia. Raniej jaho pazbavili «pravoŭ» za kiravańnie aŭtamabilem u niećviarozym stanie. U aŭtamabili taksama znachodziŭsia jaho 34‑hadovy brat u stanie ałkaholnaha apjanieńnia.
Kiroŭcu pazbaviać pravoŭ na piać hadoŭ, a taksama jon budzie aštrafavany na 200 bazavych vieličyń (9 tysiač rubloŭ). Za niepadparadkavańnie supracoŭnikam milicyi abodva mužčyny źmieščanyja ŭ IČU, a aŭtamabil — na achoŭnuju stajanku.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary