Śviatkavańnie svajho stohadovaha jubileju hazeta «Naša Niva» raspačała jašče ŭ vieraśni ŭ Berlinie. Ciapier čarha pryjšła za Mienskam. U stalicy da śviatkavańnia była prymierkavanaja prezentacyja knihi Alaksandra Fiaduty «Paetyčny ahladalnik». Zbornik skłali paetyčnyja recenzii viadomaha publicysta, jakija drukavalisia ŭ «Našaj Nivie» ciaham 2005-2006 hh., na knihi biełaruskich paetaŭ. Ciapier Alaksandar Fiaduta vydaŭ z tych recenzij cełuju knihu.
Śviatkavańnie svajho stohadovaha jubileju hazeta «Naša Niva» raspačała jašče ŭ vieraśni ŭ Berlinie. Ciapier čarha pryjšła za Mienskam. U stalicy da śviatkavańnia była prymierkavanaja prezentacyja knihi Alaksandra Fiaduty «Paetyčny ahladalnik». Zbornik skłali paetyčnyja recenzii viadomaha publicysta, jakija drukavalisia ŭ «Našaj Nivie» ciaham 2005-2006 hh., na knihi biełaruskich paetaŭ. Ciapier Alaksandar Fiaduta vydaŭ z tych recenzij cełuju knihu.
Pieršapačatkova planavałasia, što impreza projdzie ŭ vialikaj zali doma litaratara, ale ŭ apošni momant u arendzie pamiaškańnia było admoŭlena. U terminovym paradku była znojdziena inšaja zala, miesca dla prezentacyi zhadziŭsia dać Pałac mastactvaŭ. Na žal, nia ŭsie achvočyja trapić na imprezu viedali pra hetuju akaličnaść, tamu mnohija išli da budynku na Frunze, 5. Heta, mabyć, i było adzinaj niepryjemnaściu. Usio astatniaje prajšło na najvyšejšym uzroŭni.
Jašče pierad pačatkam imprezy niechta vymaŭlaŭ: «Ludziej sabrałasia bolej čym na «Narodny albom». Sapraŭdy, choć zala i nie była zapoŭnienaja całkam, ale pustych miescaŭ taksama było niebahata. Viečarynu raspačaŭ bard Źmicier Bartosik, jaki vykanaŭ stary svoj stary hit «Našaniŭskaja para». Paśla słova ŭziaŭ hałoŭny redaktar «NN» Andrej Dyńko, jon adznačyŭ, što 100-hadovy jubilej hazety supaŭ pa časie ź jašče adnoj kruhłaj dataj – 15-hodździem niezaležnaści. Sp.Dyńko vystupiŭ ź nievialičkaj pramovaj, dzie zbolšaści paŭtaryŭ hałoŭnyja tezy svajho niadaŭniaha artykułu «Patrabuju niemahčymaha – budźcie realistami». A paśla ŭ zali zapanavała paezija...
Alaksandar Fiaduta karacieńka raspavioŭ, jak naradziłasia hetaja kniha. Potym jon adznačyŭ, što kab hetak ža žorstka jon pisaŭ pra biełaruskich palitykaŭ, to jany b užo daŭno naniali kilera, a paety pakul što hetaha nie zrabili. Aŭtar škadavaŭ, što z tych ci inšych pryčynaŭ na imprezie nia mohuć prysutničać hałoŭnyja hieroi knihi. Niechta nia ŭ Miensku, chtości ŭvohule nie ŭ Biełarusi, trecija – zachvareli. Takoje žyćcio i, na žal, ničoha nia zrobiš.
Pieršym vystupiŭ małady paet Hleb Łabadzienka, jon, darečy, adznačyŭ pryčynu taho, čamu paety jašče nie naniali kilera, – prosta jany nie takija bahatyja, jak palityki. Paśla publiku adzin za adnym zachaplali paetyčnyja hałasy Biełarusi.
Vieršy čytali Halina Dubianieckaja, Viktar Šnip, Michaś Skobła. Lera Som nia tolki čytała, ale i śpiavała pad hitaru. Zala dosyć aktyŭna plaskała ŭ ładki paśla vystupu Jurasia Paciupy, jaki pračytaŭ niekalki svaich «vieršaŭ-krasvordaŭ», jak nazyvaje ich u «Paetyčnym ahladalniku» Alaksandar Fiaduta. Ekspresiŭnaja Džeci vykanańniem svaich tvoraŭ paprostu «parvała» zalu, jana i zasłužyła samych praciahłych u časie vopleskaŭ.
Fiaduta pryznaŭsia, što maje ŭ sučasnaj biełaruskaj litaratury dva najŭlubioniejšyja vieršy – «Sałaviej» Hienadzia Buraŭkina i «Bez» Iryny Bahdanovič. Apošni vierš Fiaduta zmoh pačuć u aŭtarskim vykanańni, za što byŭ vielmi ŭdziačny aŭtarcy. Varta adznačyć, što paśla kožnaha vystupu Alaksandar Vosipavič padychodzchiŭ da vystupoŭcaŭ pa aŭtohraf. Toje samaje jon prapanavaŭ zrabić hledačam.
Impreza skončyłasia charavym vykanańniem vieršu Janki Kupały «Našaj Nivie», jaki bolš viadomy, jak «Nie zahasnuć zorki ŭ niebie». Kožnamu ŭ zali napiaredadni vystupu razdali arkušyki z tekstam i notami.
Pa skančeńni prysutnyja mahli nabyć knihu «Paetyčny ahladalnik» i pahutaryć ź jaje aŭtaram i hierojami.
Zaŭtra stahodździe «Našaj Nivy» budzie adznačacca ŭ Połacku ŭ parafijalnaj zali kaściołu śviatoha Andreja Baboli. Redakcyja hazety abiacaje pryjechać u luby kutok krainy, kali budzie adpaviednaje zaprašeńnie i zala dla praviadzieńnia.
Fota Andreja Lankieviča
❏
Hladzi i słuchaj jašče:
Pramova Alaksandra Fiaduty, zapisanaja spadarom slaver_be: 5 chvilinaŭ, 1,9 mehabajtaŭ.
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć32
Kamientary