«RED» z Brusam Uilisam.
ZŠA, 2010, kalarovy, 111 chv.
Režysior: Robert Šventkie
Roli vykonvajuć: Brus Uilis, Mery-Łuiz Parkier, Morhan Frymen, Džon Małkavič, Karł Urban, Chielen Miren, Ryčard Drejfus, Brajan Koks
Žanr: Iraničny bajavik pavodle komiksaŭ Uorena Elisa i Kali Chamnera
Adznaka: 6,5 (z 10)
Frenk Mozes — ahient u adstaŭcy, jaki krucić raman z supracoŭnicaj piensijnaha fondu. Sam ahient sumuje pa minułym, a žančyna fanacieje ad špiehaŭskich ramantyčnych knižak. Raptam Mozesa sprabujuć zabić, pahražajuć i jahonaj kachancy. Były ahient źbiraje staruje kamandu i z novaju kalažankaj adpraŭlajecca na pryhody.
Karcina Robert Šventkie — radasny j badziory bajavik. Niaźmienny «mocny arešak» Brus Uilis ulapaŭsia ŭ ramantyčnuju historyju sa stralaninaj i vybuchami. Zakachanaja niaŭmieka (Parkier), dla jakoj śvist kulaŭ — najlepšaja muzyka. Elehantnaja Chielen Miren z kulamiotam u rukach. CRUšny psichapat Džon Małkavič z aptymistyčnaju paranojaj. I niaźmienna-mudry Morhan Frymen.
Robert Šventkie z asałodaj hraje ŭ špiehaŭski žanr, kab davieści publiku da paraksizmaŭ rohatu. Niemahčyma zabyć dvuboj dury j «dziaduli» na hranatamiotach i žanočyja plotki za snajpierskaju vintoŭkaj. Nu, a vizit u rasiejskuju ambasadu — heta admysłovaja fiška z daścipnym namiokam na stužku Koenaŭ.
Karcina — vydatnaje spałučeńnie pryhodaŭ i ironii, žanočych maraŭ i krutoha bajevika.
Ciapier čytajuć
«Vy pryjšli siudy łochami, a staniecie drapiežnikami». Jak pracujuć minskija koł-centry skamieraŭ5
Kamientary