16 listapada, u hety čaćvier, u Vilni adznačaćmuć 100-hodździe «Našaje Nivy». U Vilenskim pedahahičnym universytecie raspačnucca akademičnyja čytańni, pryśviečanyja jubileju hazety, z udziełam biełaruskich, litoŭskich i polskich navukoŭcaŭ. A a 18-j u Eŭrapiejskim humanitarnym universytecie pačniecca vialikaja viečaryna. Śpiavaje Maryja Krupaviec, fotavystava Dzianisa Ramaniuka...
16 listapada, u hety čaćvier, u Vilni adznačaćmuć 100-hodździe «Našaje Nivy». U Vilenskim pedahahičnym universytecie raspačnucca akademičnyja čytańni, pryśviečanyja jubileju hazety, z udziełam biełaruskich, litoŭskich i polskich navukoŭcaŭ.
A studenty EHU zaprasili da siabie ciapierašniuju redakcyju hazety na hości. U pamieškańni ŭniversytetu adbudziecca sapraŭdny fest. U prahramie festu: adkryćcio vystavy stałaha aŭtara «NN» fatohrafa i hrafika Dzianisa Ramaniuka, studenckaja litaraturna-mastackaja kampazycyja, pryśviečanaja minuŭščynie i ciapierščynie «NN», meha słajd-šoŭ našaniŭskaha fatohrafa Andreja Lankieviča, kancert etnamuzykolaha i śpiavački Maryli Krupaviec, prezentacyja sajtu «Našaje Nivy» i žyvaja hutarka z redakcyjnaj kalehijaj «Našaj Nivy», a taksama siurpryzy...
Pavinšavać ź jubilejem «NN» pryjduć litoŭskija i biełaruskija kalehi, žurnalisty i navukoŭcy, piśmieńniki i artysty.
Hetymi dniami kvietki ŭskładzienyja da ŭsich histaryčnych adresaŭ «Našaje Nivy» i na mahiły jaje pačynalnikaŭ na staradaŭnich mohiłkach Rosy.
A 23 listapada Vilnia pieradaść estafetu Miensku, dzie adbudziecca ŭračysty schod z nahody 100-hodździa "Našaj Nivy". U toj samy dzień inšaja supołka vilenskich biełarusaŭ u pamiaškańni Sajuzu piśmieńnikaŭ Litvy ładzić śviatočnuju viečarynu (a 17-j hadzinie, vulica Syrvida, 6, a 17-j hadzinie). 30 listapada śviata pierajedzie ŭ Białyničy j Mahiloŭ.
Kamientary