Paŭtareńnie «Fukusimy» ŭ Biełarusi nie mahčymaje. U biełaruskim vypadku kudy bolš varta apasacca čałaviečaha faktaru ci technałahičnych chibaŭ, što pryviali da katastrofy ŭ Čarnobyli.
Para dumak pra atamnuju enerhietyku na «Novaj Eŭropie» ŭ suviazi z padziejami apošnich tydniaŭ u Japonii:
«jak by tam ni było, u inšych krainach atamnaja enierhietyka siabie ŭsio ž zbolšaha apraŭdała. Na terytoryi Rasii pracujuć dziesiać AES (u tym liku pad Smalenskam), na terytoryi Ukrainy — čatyry biez uliku Čarnobylskaj, jakija zabiaśpiečvajuć 47% patrebaŭ krainy ŭ elektraenierhii.
Atamnuju enierhietyku dazvalajuć sabie i nievialikija krainy:pa dźvie AES pracujuć u Niderłandach, Bielhii dy Finlandyi, pa adnoj — u Słavaččynie (zabiaśpiečvaje 20% patrebaŭ u elektraenierhii, dva novyja błoki praciahvajuć budavacca), Rumynii (zabiaśpiečvaje 18% patrebaŭ u enierhii) i Bałharyi (35% enierhii, jašče adna stancyja budujecca). U Šviecyi pracuje ažno try stancyi (45% patrebaŭ u elektraenierhii).
Biełaruś maje patrebu dyviersifikavać krynicy enierhii. Alternatyŭnyja krynicy, pra jakija lubiać razvažać «zialonyja», dla Biełarusi małaprydatnyja, mahčymaści dla zdabyčy enierhii z prylivu, vietru ci sonca ŭ Biełarusi adsutničajuć.
Naša kraina chiba što maje peŭny patencyjał u hidraenierhietycy, dosyć ekałahična biasškodnaj (za vyklučeńniem patreby zataplać terytoryi pry budaŭnictva HES). (…)
AES zdajecca dastatkova pryvabnym prajektam — kali adkinuć faktary palityčnaha i arhanizacyjnaha kštałtu. Tolki prablema ŭ tym, što ŭ hetych samych faktarach chavajucca sapraŭdnyja krynicy dla sumnievaŭ u kankretnym prajekcie biełaruskaj AES.
»
Kali b nie siońniašniaja nieprazrystaja i adstałałaja dyktatura, pra budaŭnictva AES u Biełarusi sapraŭdy sapraŭdy možna było b razvažać surjozna.
Ź inšaha boku, demakratyčnaja ŭłada była b, mahčyma, pad kudy bolšym upłyvam zialonaha i zachodniejeŭrapiejskaha łobi, jakija sa svaich zababonaŭ nie dazvolili b pabudovu AES i jakija b mahli vielmi baluča, chaj sabie i ź iracyjanalnych pazicyj, nacisnuć na čarnobylskuju traŭmu biełaruskaha hramadstva.
Spałučeńnie łukašenkaŭskich mietadaŭ kiravańnia, rasijskaj karupcyi i łukašenkaŭska-kramloŭskich palityčnych intryhaŭ z atamnaj enerhietykaj naradžaje ŭ hałavie vobraz, u jakim niedvuchsensoŭna fihurujuć małpa i hranata. Tamu lepš užo nijakaj AES, čym niaviedama jakaja AES.
Kamientary