Jak paviedamlajecca, supołku vydalili z kampjutara administratara Siarhieja Paŭlukieviča supracoŭniki śpiecsłužb, jakija ŭvarvalisia da jaho ŭ kvateru.
Vydalenaja supołka Vkontaktie «My za vialikuju Biełaruś!», što zaklikała na «Marš miljonaŭ». Jak paviedamlajecca, supołku vydalili z kampjutara administratara Siarhieja Paŭlukieviča supracoŭniki śpiecsłužb, jakija ŭvarvalisia da jaho ŭ kvateru.
Supołka rychtavała «Marš miljonaŭ» za adstaŭku Łukašenki. Udzielniki zaklikali raspačać jaho 15 lipienia na centralnaj płoščy Minska. U supołcy «My za vialikuju Biełaruś!» było 120 000 udzielnikaŭ.
Paćvierdžańnia ci tłumačeńniaŭ ad samoha Paŭlukieviča pakul niama.
Napiaredadni ŭ Redakcyju «Našaj Nivy» trapiŭ list za podpisam Siarhieja Paŭlukieviča. Małady čałaviek zajaviŭ pra cisk z boku śpiecsłužb na jaho siamju.
Siarhiej, jakoha paśla padziej na Płoščy sprabavali zavierbavać supracoŭniki KDB, paviedamiŭ, što 2 červienia supracoŭniki KDB pryjšli na pracu da jaho maci. Jany paraili, kab jaje syn spyniŭ svaju pracu ŭ jakaści administratara šerahu bujnych supołak ŭ sacyjalnych sietkach. U procilehłym vypadku paabiacali pasadzić syna ŭ turmu. I artykuł nazvali kankretny — 342 KK.
«Źviartajusia da ŭsich svabodnych i tych, chto čuje ŭ Biełarusi: nie maŭčycie, nie bojciesia! U supraćlehłym vypadku hety marazm transfarmujecca da taho, što chutka buduć za aniekdoty sadžać u turmy»
Asobna małady čałaviek źviarnuŭsia da suśvietnaj supolnaści. «Nas užo nie padmanuć. I tamu padumajcie, kali dazvalajecie dyktatury ŭ centry Jeŭropy taptać pravy čałavieka, svabodu słova… Padumajcie pierad tym, jak vydavać kredyty dyktatatury i ŭsialak jaje padtrymlivać».
«Kali mianie źniavolać, spadziajusia, što heta nie budzie daremna,što abudziacca jašče paru socień tysiač čałaviek, a paru dziasiatkaŭ tysiač čałaviek pačnuć realna niešta rabić. Nam užo asabliva hublać niama čaho. Što nam hublać, akramia strachu?»
Padobna, što napisać taki list Siarhieja zmusiła biazvychadnaja situacyja, u jakoj jon apynuŭsia. Ale ŭ kancy lista jon adznačyŭ, što «mianie jany nie złamajuć i nie nachilać».
Siarhiej Paŭlukievič byŭ studentam prestyžnaha jurydyčnaha fakulteta BDU. U Vkontaktie jon staŭ maderataram supołak «My za Vialikuju Biełaruś» (bolš za 120 tysiač udzielnikaŭ), «
Paŭlukievič byŭ asudžany na 10 sutak administracyjnaha aryštu za ŭdzieł u padziejach 19 śniežnia. Paśla admovy pracavać z KDB u jaho na kvatery praviali pieratrus.Z samaha ranku 25 sakavika jaho zabrali na dopyt, na jakim pratrymali da viečara, kab jon nie ŭziaŭ udziełu ŭ Dni Voli.
Vkontaktie — heta adna z samych papularnych sacyjalnych sietak —
Kali na Zachadzie samaj papularnaj sietkaj staŭ Fejsbuk, to ŭ byłym SSSR najbolš karystalnikaŭ na siońnia maje akurat Vkontaktie.
Učora telefon Paŭlukieviča byŭ adklučany, siońnia jon nie adkazvaŭ na telefanavańni. Adkazu na elektronny list ad jaho taksama nie majem.
Ciapier čytajuć
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary