Kamercyjnyja vyniki kinahodu ŭ kinabłohu Andreja Rasinskaha. Na biełaruskich ekranach rasiejski maskult vyciskaje amerykanski.
Dvaccatku sama kasavych filmaŭ u mienskim prakacie ŭznačalvaje rasiejski “Dzionny dazor”. U hanarovuju piaciorku ŭvachodziać taksama maskoŭskija “Svołačy” i druhaja častka “Bumera”. “Dzionny dazor” apiaredziŭ navat “Pirataŭ Karybskaha mora” z sundukom mierćviaka, a “Svołačy” sastupili “Parfumie”.
Kali pra mastackija vartaści “Dzionnaha dazoru” šče možno niešta skazać, to dla inšych rasiejskich hitoŭ i słova nia znojdziecca. Heta asabliva tyčycca “Palavańnia na pirańniu” i “Viedźmy”. Ale henyja filmy susiedničajuć “Kinh Konham”, “Apakalipsisam”, “Kazanovaj”, “Chronikami Narnii” i apošniaj častkaj “Hary Potera”.
Taki pośpiech nie tłumačycca administracyjnym resursam, kali prakat – jak za savieckim časam – žorstka kantralavaŭsia. Rasieja viartajecca na biełaruskija ekrany, dziakujučy rasiejskamu kapitału.
Uvieś prakat zaviazany na Rasieju – i zachodnija filmy my taksakma atrymlivajem praz maskoŭskaje pasiarednictva. Nielha adkidać i stałaha znajomstva biełarusaŭ z rasiejskimi aktorami-brendami, dyj z rasiejskaju rečaisnaśju – što taksama dapamahaje pradać film.
Ale najvažniejšy čyńnik – žanravy. Nafta-hazavy kapitał sprabuje rabić žanravaje kino. Pakul atrymlivajecca nia vielmi ŭciamna, ale žanravyja abhortki idealna pasujuć dla masavych prodažaŭ.
Na hetym tle hublajecca biełaruskaje kino. Film “Niabačany kraj” Viktara Aśluka byŭ pastaŭleny pavodle apaviadańnia Michasia Zareckaha – i całkam zrobleny na biełaruskaj movie. Aŭtarskaja stužka prakatvałasia cicha i niezaŭvažna – u addalenym kinateatry “Kamsamolec” – dyj toje na dziciačych seansach.
Ale abvinavačvać mienskich prakatčykaŭ u poŭnaj niazdolnaści pakazvać biełaruskaje kino – nielha. Prakat siońnia – sprava kamercyi j reklamy, jakuju zbolšaha zabiaśpiečvaje vytvorca.
Rasiejcy ŭžo ŭkładajuć vialikija hrošy ŭ prapahandu svaich kinafilmaŭ. Biudžet amerykanskich stužak počastu da pałovy składajecca z reklamnych vydatkaŭ.
Ale dla “Biełaruśfilmu” – reklama j hramatnaja prezentacyja – pa-za miežami dapuščalnaha. Adpaviednym atrymlivajecca j miascovy prakat – całkam pazbaŭleny reklamnych “abhortak”.
Ataka rasiejskaha kino moža vyklikać niepakoj – a moža j davać prykład kinavytvorčaści j kinapijaru. Z zasvajeńniem henaha dośviedu vyniki nastupnych hadoŭ mohuć stacca j inšymi.
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty6
Kamientary