Ryzyknu być razarvanym raźjatranymi studentkami, ale śćviardžaju: idyjockaja žachaŭka “Viedźma” lepšaja za hlamurnaha “Miečanosca”.
Sprytny žurnaluha, jaki nie vyłučajecca maralnymi pavodzinami, adpraŭlajecca ŭ pravincyju, kab zrabić repartaž pra tajamničyja źjavy. Unačy hieroj traplaje ŭ stary dom z hłuchoju babulkaj.
Haspadynia źjaŭlajecca viedźmaj – i padčas sproby spakusić junaka, hinie. Žurnalist, jaki pieraapranajecca śviatarom, musić ciapier malicca try nočy – u carkvie z trunoju i viedźmaju...
Tak, sapraŭdy, – heta skradzieny siužet hohaleŭskaha “Viju”. Ale cikava, kudy zakinuli vytvorcy henuju historyju. Amerykanskaja hłybinka – źniataja ŭ Estonii z prybałtyjskimi aktorami – i z rasiejskimi seryjalnikami na hałoŭnych rolach. Mienavita tak pakazvali hniły Zachad ŭ 70-yja hady – i mienavita naščadkam palityčnych vykryvalnickich stužak źjaŭlajecca hety “pieršy rasiejski film žachaŭ”.
Ale nia budziem aktyŭna plavacca.
Aktory hrajuć kiepska, dyjalohi... mama maja rodnaja, atmasferka – rohat u zali, admysłovyja efekty... – a što vy chacieli ad nizkabiudžetnaje žachaŭki!? Dla kino klasy “Z” (jość i takoje) – prymalny ŭzrovień.
I samaje hałoŭnaje, kino śviadoma skiravanaje na (bahaty) amerykanski rynak. A tam i kudy horšaje dabro akuplajecca. Varta tolki paznačyć žanr – biaz pseŭdaaŭtarskich uzdychaŭ i hlamurna-pustych klipavańniaŭ.
Što karcina hladziełasia b lepiej – adbyvajsia dziejańnie va Ŭkrainie – heta tak. Ale istotnaja sama ŭvaha da žanru i pošuk padychodnaj aŭdytoryi.
A dla našaje publiki dadatkovaja zabava – rahatać z tupych lapaŭ rasiejskaha režysera. Kali nuda ŭ son nia zmoryć.
Viedźma (Vied́ma)
Rasieja – Estonija, 2006, kalarovy, 93 chv.
Režyser: Aleh Fiasienka
Roli vykonvajuć: Jaŭhienija Krukava, Valer Nikałajeŭ, Ita Ever, Lembit Ulfsak, Juchan Ulsfak.
Žanr: Mistyka
Adznaka: 3 (z 10)
Hladzicie taksama vyniki kinahodu.
Ciapier čytajuć
Stajać na adnoj nazie z knihaj na hałavie ŭ pamiać pra błakadu Leninhrada. Čynoŭniki zapuścili vielmi dziŭny čelendž da 9 Maja14
Kamientary