Hrafici pjanaj dušy – pavodle Vasila Bykava
Sučasnaje rasiejskaje kino vahajecca pamiž dvuma stylami: “zhaładniełaj fantasmahoryi” i “biaschlebnaha realizmu”. Usio, jak pradkazvaŭ Vasil Bykaŭ.
Student-hrafityst, źbity “mastackimi” kankurentami, sasłany ŭ hłuchuju pravincyju, dzie musić razmalavać ścienku viaskovaha klubu. Mastakoŭskaja chałturka staniecca tvoram, jaki vykliča katarsis u viaskoŭcaŭ – a sam hieroj uśviadomić svajo paklikańnie.
Sučasnaje rasiejskaje kino vahajecca pamiž dvuma stylami. Styl “zhaładniełaj fantasmahoryi” (skarastajemsia hetym aznačeńniem Vasila Bykava) – heta pseŭdašykoŭnaja raskoša “Dzionnych dazoraŭ”, dzie “Nichto nia viedaje pra seks”, a “Palavańnie na pirańniu” (“Ad 180 i vyšej”) zaviaršajecca “Uciokami” z “Tureckim hambitam”. Heta bahataje kino, anijak nie źviazanaje z rečaisnaściu.
Jak i pradkazvaŭ Bykaŭ, hety kirunak karystajecca poŭnaj dziaržaŭnaj padtrymkaj z medalami i “Dziaviataju rotaj”.
“Styl biaschlebnaha realizmu, pa sutnaści, biespadstaŭnaha vyjaŭleńnia “čarnuchi” žyćcia, jahonaj biadoty” – naftahazavymi patryjotami nie šanujecca. ““Punkt” z prastytutkami, dzie “Hrajučy achviaru” ŭzvodziać u “4” stupień usie marazmy Rasiei – pakul milicyjaj nie razhaniajecca. A mastaki ŭsio ćvierdziać, “što chočuć zastavacca viernymi praŭdzie žyćcia. Tolki, dzie taja praŭda j dzie žyćcio, nichto ź ich nia viedaje…”
Film “Hrafici” Ihara Apasiana złučaje abodva panoŭnyja styli, chacia bolšaść pryjomaŭ – ad “biaschlebnaha realizmu”. Durkavataja vioska, miascovaja treš-vamp u zialonych palčatkach (Łarysa Huziejeva) – i zakachany ŭ jaje ŭdarnik haŭnavoznaje pracy. Dyrektarat ź jaskravymi zvyčkami kryminalnych aŭtarytetaŭ – i alkaholik-filozaf, achviara straŭsinych fermieraŭ. Pjanka, zubastyja tvary, ślozy, hratesk. (Pry hetym samaja hłybinka Rasiei paznačajecca, jak siało “Promiežutočnoje” Paleskaje vobłaści!)
Ale “biaschlebnaja čarnucha” praryvajecca čałaviečnaściu. Sasłany mastak zaviaršaje karcinu. Viaskoŭcy zachłynajucca ślaźmi.
Škada tolki, što karcina – kurtaty imperski kič.
Hrafici (Hrafiti)
Rasieja, 2006, kalarovy, 110 chv.
Režyser: Ihar Apasian
Roli vykonvajuć: Andrej Novikaŭ, Viktar Pieravałaŭ, Siarhiej Patapaŭ, Łarysa Huziejeva, Alaksandar Iljin
Žanr: Trahikamedyja
Adznaka: 5,5 (z 10)
Cytaty ŭziatyja z apaviadańnia Vasila Bykava “Bajki žyćcia”.
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča16
«Zabrali jaho. Nie kinieš ža, usio ž taki naš čałaviek». Łukašenka vykazaŭsia pra Statkieviča
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary