Fiestyval nacyjanalnych kultur prachodzić u Biełarusi kožnyja 2 hady. Jon startuje ŭ rajonach, prachodziać abłasnyja konkursy, stalicaj ža finalnych mierapryjemstvaŭ pa tradycyi stanovicca Hrodna. Svaju kulturu, tradycyi na fiestyvali demanstrujuć pradstaŭniki narodaŭ śvietu, jakija znajšli druhuju radzimu ŭ Biełarusi.
Pavodle słoŭ namieśnika staršyni Hrodzienskaha harvykankama Iryny Sienčankavaj, z hodu ŭ hod raście kolkaść udzielnikaŭ mierapryjemstva - nacyjanalnych abjadnańniaŭ, tvorčych kalektyvaŭ i haściej. Kali ŭ pieršym fiestyvali prymali ŭdzieł 11 nacyjanalnych abjadnańniaŭ, to ŭ hetym hodzie ŭ Hrodnie možna budzie aznajomicca z kulturaj i tradycyjami 33 nacyjanalnaściej. Upieršyniu adkryjucca padvorki vieniesuelcaŭ, ispancaŭ, cełym abjadnańniem buduć pradstaŭleny turkmieny, druhi hod zapar u Hrodnie raźmieścicca padvorak hałandcaŭ.
U roznych epizodach śviata prymuć udzieł amal 2 tys. haściej.Heta artysty, narodnyja majstry, pradstaŭniki dypłamatyčnaha korpusa roznych dziaržaŭ, biełaruskich dyjaspar za miažoj, delehacyi haradoŭ-pabracimaŭ. Možna budzie ŭbačyć teatralizavanaje šeście ŭdzielnikaŭ, naviedać horad majstroŭ, plenery, vystaŭki, śviaty nacyjanalnych adzinaborstvaŭ, šmatlikija kancerty.
Asnoŭnaja ŭvaha haściej fiestyvalu pa tradycyi prykavana da nacyjanalnych padvorkaŭ. U hetym hodzie jany raźmieściacca na 25 placoŭkach u miežach histaryčnaha centra horada (niekatoryja abjadnańni stanuć susiedziami na adnoj placoŭcy). Padarožničajučy pa padvorkach, možna budzie aznajomicca z kulturnaj spadčynaj, pieśniami, tancami, kaściumami, kuchniaj narodaŭ śvietu. Niekalki fiestyvalaŭ zapar režysiory prapanujuć abjadnańniam paznajomić haściej z tym abo inšych abradam ich naroda. U hetym hodzie abjadnańni buduć pradstaŭlać svaje viasiennija abrady.
U kancertach pad adkrytym niebam razam ź viadomymi biełaruskimi vykanaŭcami i kalektyvami ŭ Hrodnie vystupiać rumynskaja hrupa Morandi (1 červienia) i francuzskaja Ottawan (2 červienia).
U hetym hodzie adkryćcio i zakryćcio śviata projdzie na płoščy Savieckaj, jakaja ŭmiaščaje da 30 tys. hledačoŭ.
Fiestyval nacyjanalnych kultur zbližaje i abjadnoŭvaje ŭsie nacyjanalnyja mienšaści, jakija pražyvajuć na terytoryi Biełarusi, sadziejničaje zachavańniu nacyjanalnaj samabytnaści i razam z tym uzajemarazumieńniu i ŭzajemnamu ŭzbahačeńniu kultur. Pa svajmu farmatu fiestyval nie maje anałahaŭ u śviecie.
Ciapier čytajuć
Były ministr kultury Rusłan Čarniecki znajšoŭ sabie padpracoŭku8
Kamientary