Unikalnyja fatazdymki, što fiksujuć historyju biełaruskaj Brytanii ad kanca 1940-ch.
Hety albom byŭ padrychtavany jašče ŭ 2012 h., kali ajcu Alaksandru było 86 hadoŭ. U im ilustrujucca asnoŭnyja viechi jaho žyćcia. Ajciec Alaksandr Nadsan pamior viečaram 15 krasavika.
Alaksandr Nadsan da emihracyi Bočka (nar. 8 žniŭnia 1926 h. u v. Haradzieja (siońnia Niaśvižski r-n Minskaj vobł.), hreka-katalicki śviatar, hramadski dziejač, apostalski vizitatar dla biełarusaŭ-katalikoŭ u zamiežžy.
Vučyŭsia ŭ Niaśvižskaj nastaŭnickaj sieminaryi. Skončyŭ kursy małodšych kiraŭnikoŭ SBM u Albiarcinie. U červieni 1944 h. staŭ kursantam Minskaj aficerskaj škoły BKA. Letam 1944 h. byŭ dałučany da 30-j hrenadziorskaj dyvizii SS, pierajšoŭ na bok sajuźnikaŭ, zatym słužyŭ u 2-m Polskim korpusie ŭ Italii, dzie braŭ udzieł u bajavych dziejańniach i byŭ paranieny. U 1946 h. prybyŭ u Vialikabrytaniju. Adzin z zasnavalnikaŭ ZBVB, redaktar jaho časopisaŭ «Biełarus na čužynie» i «Na šlachu», staršynia arhanizacyi ŭ 1951—1953 hh. Byŭ adnym sa stvaralnikaŭ BCHAA «Žyćcio», BAKA «Ruń», a taksama Biełaruskaha niezaležnickaha narodna-chryścijanskaha ruchu. Skončyŭ matematyčny fakultet Łondanskaha ŭniviersiteta. Uvosień 1953 h. pajechaŭ vučycca ŭ Hreckuju kalehiju ŭ Rymie.
23 listapada 1958 h. atrymaŭ śviačeńni śviatara ŭschodniaha abradu. U lipieni 1959 h. viarnuŭsia ŭ Vialikabrytaniju. Pracavaŭ vykładčykam matematyki ŭ Notynhiemie i ažyćciaŭlaŭ dušpastyrskuju dziejnaść u Centralnaj i Paŭnočnaj Anhlii. Ad 1961 h. staŭ adnym z kiraŭnikoŭ biełaruskaj škoły imia Kiryły Turaŭskaha ŭ Łondanie.
Ad 1971 h. kiravaŭ Biełaruskaj biblijatekaj-muziejem imia F. Skaryny. Aktyŭna ŭdzielničaŭ u pracy ZBVB, Charytatyŭnaj siekcyi, Anhła-biełaruskaha tavarystva. U 1981 h. staŭ na čale Biełaruskaj katalickaj misii ŭ Vialikabrytanii. 30 červienia 1986 h. byŭ pryznačany na pasadu apostalskaha vizitatara dla biełarusaŭ-katalikoŭ u zamiežžy. Stvaralnik i kiraŭnik Kamiteta dapamohi achviaram radyjacyi. Aŭtar šerahu pierakładaŭ liturhičnych tekstaŭ na biełaruskuju movu, publikacyjaŭ z historyi biełaruskaj carkvy i kultury. Hanarovy doktar Jeŭrapiejskaha humanitarnaha ŭniviersiteta.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym6
Kamientary