Зварот Сакратарыяту ГА «Таварыства беларускай мовы імя Ф.Cкарыны»
Рашэньне спыніць падпіску на шэраг выданьняў, што выдаюцца па-беларуску, пазбаўляе беларускамоўных грамадзян краіны магчымасьці атрымліваць афіцыйна зарэгістраваныя газэты на роднай мове.
Сакратарыят ТБМ выказвае рашучы пратэст з прычыны выключэньня з рэспубліканскага падпіснога каталёгу газэт «Наша Ніва» і «Рэгіянальная газета» і зьвяртаецца да кіраўніцтва Міністэрства інфармацыі, РУП «Белпошта» з прапановай спыніць спробы дыскрымінацыі падпісчыкаў па моўнай прымеце.
Мы зьвяртаемся і да грамадзян Беларусі з заклікам прыняць актыўны ўдзел у абароне сваіх правоў на атрыманьне інфармацыі на дзяржаўнай мове. Просім вас накіроўваць свае лісты пратэсту на адрас генэральнага дырэктара РУП «Белпошта» (пр.Незалежнасьці, 10, 220050, Менск, тэл.226-01-73, факс 226-11-70), міністра сувязі і інфарматызацыі (пр.Незалежнасьці, 10, 220050, Менск, тэл.227-38-61, факс 227-21-57) і міністра інфармацыі (пр.Пераможцаў, 11, 220004, Менск, тэл. 206-32-90, факс 203-34-35).
17 лістапада 2005 г.
Друкуецца ў скароце
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны7
Каментары