Беларускай дыяспары — беларускія пашпарты!
За апошнія два стагоддзі Беларусь згубіла зашмат людзей — трэба пачынаць прыцягваць іх назад.
Наконт Закону аб беларусах замежжа, што распрацоўваецца ўладамі Беларусі я, будучы якраз беларусам замежжа, магу сказаць наступнае.
На ізраільскі пашпарт можа прэтэндаваць чалавек, у якім хаця б адна восьмая габрэйскай крыві. Арменія актыўна выдае пашпарты прадстаўнікам шматлікай армянскай дыяспары. Вугоршчына раздае пашпарты трансільванскім і славацкім вугорцам. І ўсё гэта без патрабавання адмаўляцца ад іншых грамадзянстваў.
Чым Беларусь горшая?
Чаму этнічныя беларусы з Падляшша і Віленшчыны павінны стаяць па беларускую візу?
Чаму такія людзі, як айцец Аляксандар Надсан ці доктар Янка Запруднік, павінны ездзіць у Беларусь па візах?
Раздайце беларускай дыяспары пашпарты.
Не «картку беларуса» і не від на жыхарства пры ўмове пераезду на Беларусь, а менавіта грамадзянства з усімі праваміна пражыванне, працаўладкаванне, куплю маёмасці і заняцце прадпрымальніцкай дзейнасцю. У свеце ёсць вопыт, як гэта правільна зрабіць — хай людзі здаюць якісь базавы іспыт па беларускай мове і беларускай культуры/гісторыі, і ўсё.
Чым Беларусі дрэнна, калі ў краіну будуць адчыненыя дзверы для максімальнай колькасці неабыякавых да Беларусі былых суайчыннікаў і іх нашчадкаў, якія цяпер пражываюць у краінах, больш развітых за Беларусь?
Гэта яўна не прывядзе да наплыву некваліфікаваных мігрантаў ці крымінальнага элементу. Гэткія мігранты зараз наадварот едуць зь Беларусі ў суседнія краіны. Дый увогуле, няма ўпэўненасці, што дыяспара пачне станавіцца ў чэргі па беларускі пашпарт. На жаль,
беларусы замежжа як лабісцкі, фінансавы, інтэлектуальны рэсурс патрэбныя Беларусібольш, чым Беларусь патрэбная большасці з іх. І таму Беларусі трэба першай як мага шырэй адчыніцца для бізнэсоўцаў, інвестараў, прафесіяналаў, турыстаў з ліку людзей, якія маюць тут карані.
За апошнія два стагоддзі Беларусь разгубіла зашмат людзей — трэба пачынаць прыцягваць іх назад, гэтыя мільёны расійцаў, сотні тысяч палякаў, амерыканцаў і ізраільцаў беларускага і
Людзі, іхны прадпрымальніцкі, навуковы, творчы патэнцыял, былі і застаюцца адзіным рэсурсам Беларусі і Беларусь павінна за гэты рэсурс змагацца ўсімі сродкамі.
Каментары