З пачатку года ў Фінляндыі ўступіў у сілу закон аб абавязковай дашкольнай адукацыі. Гэта азначае, што ранейшыя факультатыўныя падрыхтоўчыя заняткі для будучых першакласнікаў цяпер сталі абавязковымі.
Большасць фінскіх дзяцей і зараз ходзяць на падрыхтоўчыя заняткі. Толькі два працэнты — гэта значыць каля 1500 дзяцей — не вучацца ў так званым нулявым класе.
Галоўнае ўпраўленне адукацыі Фінляндыі тлумачыць новаўвядзенне імкненнем да прадастаўлення роўных пачатковых умоў і магчымасцяў для кожнага дзіцяці ў розных кутках краіны.
У Фінляндыі падрыхтоўка да школы часцей за ўсё праходзіць у дзіцячых садках. Увосень муніцыпалітэтам давядзецца павялічыць колькасць груп дашкольнай адукацыі, каб месцаў хапіла ўсім дзецям.
Дашкольную адукацыю гэтак жа, як і сярэднюю можна па-ранейшаму атрымліваць дома, пры выкананні пэўных крытэрыяў і правілаў, устаноўленых упраўленнем адукацыі.
Цяпер чытаюць
Джон Коўл прыедзе ў Беларусь 15 верасня. Лукашэнка, аднак папярэдзіў: «вялікай здзелкі» не будзе13
Каментары