Віціс Юрконіс: Марыць пра нейкі дыялог з Лукашэнкам несур'ёзна і памылкова
11 кастрычніка ў Беларусі былі не «выбары», і іх імітацыя.
Пра гэта літоўскі палітолаг Віціс Юрконіс заявіў у інтэрв'ю charter97.org. Паводле яго слоў, ніякіх выбараў не было, а Аляксандр Лукашэнка працягвае разлічваць на грошы ад Крамля.
— Як вы пракаментуеце вынікі «выбараў» у Беларусі?
— Выбараў не было, была спланаваная імітацыя, якая паказвае, наколькі ўлада не ўпэўненая ў сабе. Датэрміновае галасаванне — за 36%, агульная яўка — за 85%, ну вось вам і «стандарты Лукашэнкі». І ўсе апраўданні, што народ усё роўна за яго галасаваў, не маюць ніякай падставы, пакуль улада ў краіне рэальна не абіраецца.
Асобная размова пра апазіцыю, дзе яны зараз, што будзе ў будучыні. Калі бачыш, што штаб Караткевіч святкуе і п'е шампанскае, гэта выглядае як свята ля магілы беларускай дэмакратыі. Так, яе рэальна ніколі не было, і з такімі намаганнямі яе не пабудуеш. Але тады і не трэба ўдзельнічаць у гэтай імітацыі. І гэта тычыцца і тых, хто байкатуе на канапе, і тых, хто кідае пусты выклік.
— ЕС мае намер адмовіцца ад санкцый у дачыненні да Беларусі і Лукашэнкі, з чым гэта звязана і ці можна такі крок назваць правільным?
— Гэты працэс ужо пайшоў раней, і я больш звязваю гэта з вызваленнем палітычных зняволеных. Так, рэпрэсій масавага характару падчас выбараў не было, і гэтага для некаторых палітыкаў у ЕС будзе дастаткова, каб зрабіць дадатковы крок.
Усё гэта вельмі часова, рэжым перажыў гэтыя еўрапейскія абмежавальныя меры, а сутнасць рэжыму не змянілася. Але давайце не будзем крывадушнічаць і скажам, што рэальных санкцый супраць Беларусі не было, вёўся гандаль, былі інвестыцыі ў Беларусь, бізнес і нават палітыкі сустракаліся. Адмова ад гэтых мер — гэта адмова ад прынцыпаў і прызнанне таго, што Еўропа вельмі стамілася трымацца каштоўнаснай пазіцыі адносна Беларусі.
— Што вы можаце сказаць з нагоды заяў Лукашэнкі ў дачыненні да расійскай базы ў Беларусі?
— Таленавіты маніпулятар. Ваенныя аб'екты РФ у Беларусі ўжо даўно існуюць, а ён усё роўна ўмудраецца падманваць як свой народ, так і міжнародных партнёраў. А па сутнасці справы, ён проста клянчыць грошай у Крамля.
— Ці можна прагназаваць далейшае «пацяпленне адносін» з Захадам і як, на вашу думку, павядзе сябе пасля «выбараў» Лукашэнка?
— Заходнія палітыкі часта вельмі наіўныя з нагоды ўсходніх партнёраў, часам проста маюць шкурную цікавасць, але пацяпленне адносін залежыць не ад палітыкаў у Бруселі, а ад настрояў у Мінску і павадка Крамля. Сацыяльна-эканамічная сітуацыя ў гэтых партнёраў не вельмі, так што ў дадзены момант магчымы паток фінансаў ад Еўропы цікавы. Але марыць пра нейкі дыялог ці нават еўрапеізацыю — гэта проста несур'ёзна і памылкова.
«Адгукнуўся на 95% аб'яў — і ўсе адмовілі». Расіяніну не хочуць здаваць кватэру ў Гродне8
Каментары