Украінскі рэжысёр Алег Сянцоў, асуджаны ў Расіі нібыта за тэрарызм, пераведзены з калоніі ў горадзе Лабытнангі ў адзін з маскоўскіх СІЗА. Пра гэта паведамілі «Інтэрфакс» і ТАСС са спасылкай на крыніцы.
Па словах суразмоўцаў агенцтваў, Сянцоў дастаўлены ў Маскву ў рамках абмену зняволенымі з Украінай.
Крыніца «Інтэрфакса» заявіла, што рэжысёр знаходзіцца ў Бутырскай турме. Baza піша, што яго ўтрымліваюць у СІЗА «Лефортава».
Адвакат Сянцова Дзмітрый Дынзе не пацвердзіў і не абверг інфармацыю аб пераводзе свайго падабароннага ў Маскву, піша ТАСС.
Учора ў Кіеве вызвалілі пад асабістае паручальніцтва кіраўніка «РІА «Навіны» — Украіна» Кірыла Вышынскага. Пад вартай ён знаходзіўся 400 дзён. Журналіст быў арыштаваны ў маі 2018 года па абвінавачванні ў дзяржздрадзе і падтрымцы «ДНР» і «ЛНР». Казалася, што менавіта ён будзе абменены на Сянцова.
***
Жыхар Крыма, рэжысёр Алег Сянцоў быў арыштаваны вясной 2014 года і прысуджаны ў Расіі да 20 гадоў зняволення за супраціўленне анексіі вострава — паводле абвінавачвання, нібыта за арганізацыю дыверсійнай групы «Правага сектара». Ён не прызнаў сябе вінаватым, заявіў пра катаванні.
Летам 2018 года Сянцоў абвесціў галадоўку, патрабуючы вызвалення ўсіх украінскіх палітвязнеў, асуджаных у Расіі. Яна працягвалася 145 дзён, аднак трэба ўлічваць, што Сянцоў прымаў спецыяльную медыцынскую сумесь.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?14
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары