78-гадовага мовазнаўцу, першага пасла Беларусі ў Германіі, будуць судзіць за пратэст супраць інтэграцыі з Расіяй
Міліцыя працягвае караць удзельнікаў дэманстрацый супраць інтэграцыі з Расіяй, якія прайшлі ў Мінску 7 і 8 снежня. Дзве позвы з міліцыі атрымаў і выбітны беларускі мовазнавец, першы пасол Беларусі ў Нямеччыне Пятро Садоўскі.
На сходзе людзей за незалежнасць Садоўскі праспяваў песню на верш Янкі Купалы «А ў бары-бары тры дарожанькі». Акрамя таго, ён прапанаваў прыцягнуць прэзідэнта да судовай адказнасці за распальванне варожасці паміж грамадзянамі па моўнай прыкмеце (публічная знявага беларускай мовы праз фанетычнае перадражванне, скрыўлены твар, агідную інтанацыю і г. д.) ды знявагу праз гэта і мову сваёй роднай маці (гэта аспект парушэння сталых беларускіх сямейных каштоўнасцяў роднасці і павагі).
Садоўскага вінавацяць ва ўдзеле ў недазволеным мітынгу, расказаў ён «Нашай Ніве».
Пра выклік у міліцыю паведаміла ў сябе ў фэйсбуку і палітык Вольга Кавалькова.
Выклік атрымаў і жыхар Мінска, таксіст Леанід Кулакоў. Такі выклік атрымалі і жыхаркі Мінска Вольга Лагацкая і Вольга Быкоўская.
Чытайце таксама: Дэманстранты ў Мінску рвалі партрэты Пуціна і вадзілі антыінтэграцыйныя карагоды ФОТЫ
Позвы атрымалі таксама Зміцер Казлоў (блогер Шэры Кот) з Барані (Аршанскі раён), Андрэй Кудзік з Вілейкі, а таксама праваслаўны святар айцец Вікенці (Кавалькоў), паведамляюць праваабаронцы з цэнтра «Вясна».
Позву атрымаў і жыхар Віцебску Аляксей Прохараў, які размяшчаў заклікі да ўдзелу ў акцыях на выходных у Фэйсбуку, Укантакце і Аднаклассніках.
За сітуацыяй сочаць правааборонцы з цэнтра «Вясны». Да іх можна звяртацца па дапамогу ў такіх сітуацыях.
Чытайце таксама: У Мінску другі дзень пратэстуюць супраць інтэграцыі. Сотні дэманстрантаў дайшлі да пасольства Расіі ФОТЫ, ВІДЭА
-
Замест металадахоўкі — дубовая драніца. У цэнтры Віцебска на месцы міліцыі адкрылася кавярня ў бездакорна адноўленым 200‑гадовым будынку
-
«Людзі дамовіліся ў адзін час выйсці ў лакальныя ўчасткі і біць усіх актывістаў». Ігар Лосік расказаў пра бунт у Наваполацкай калоніі
-
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска
Цяпер чытаюць
Другі вайсковец, які загінуў пры аварыі МАЗа пад Асіповічамі — 21‑гадовы тэнісіст з Віцебска3
Каментары