78-hadovaha movaznaŭcu, pieršaha pasła Biełarusi ŭ Hiermanii, buduć sudzić za pratest suprać intehracyi z Rasijaj
Milicyja praciahvaje karać udzielnikaŭ demanstracyj suprać intehracyi z Rasijaj, jakija prajšli ŭ Minsku 7 i 8 śniežnia. Dźvie pozvy ź milicyi atrymaŭ i vybitny biełaruski movaznaviec, pieršy pasoł Biełarusi ŭ Niamieččynie Piatro Sadoŭski.
Na schodzie ludziej za niezaležnaść Sadoŭski praśpiavaŭ pieśniu na vierš Janki Kupały «A ŭ bary-bary try darožańki». Akramia taho, jon prapanavaŭ pryciahnuć prezidenta da sudovaj adkaznaści za raspalvańnie varožaści pamiž hramadzianami pa moŭnaj prykmiecie (publičnaja źniavaha biełaruskaj movy praz fanietyčnaje pieradražvańnie, skryŭleny tvar, ahidnuju intanacyju i h. d.) dy źniavahu praz heta i movu svajoj rodnaj maci (heta aśpiekt parušeńnia stałych biełaruskich siamiejnych kaštoŭnaściaŭ rodnaści i pavahi).
Sadoŭskaha vinavaciać va ŭdziele ŭ niedazvolenym mitynhu, raskazaŭ jon «Našaj Nivie».
Pra vyklik u milicyju paviedamiła ŭ siabie ŭ fejsbuku i palityk Volha Kavalkova.
Vyklik atrymaŭ i žychar Minska, taksist Leanid Kułakoŭ. Taki vyklik atrymali i žycharki Minska Volha Łahackaja i Volha Bykoŭskaja.
Čytajcie taksama: Demanstranty ŭ Minsku rvali partrety Pucina i vadzili antyintehracyjnyja karahody FOTY
Pozvy atrymali taksama Źmicier Kazłoŭ (błohier Šery Kot) z Barani (Aršanski rajon), Andrej Kudzik ź Vilejki, a taksama pravasłaŭny śviatar ajciec Vikienci (Kavalkoŭ), paviedamlajuć pravaabaroncy z centra «Viasna».
Pozvu atrymaŭ i žychar Viciebsku Alaksiej Procharaŭ, jaki raźmiaščaŭ zakliki da ŭdziełu ŭ akcyjach na vychodnych u Fejsbuku, Ukantakcie i Adnakłaśśnikach.
Za situacyjaj sočać pravaaboroncy z centra «Viasny». Da ich možna źviartacca pa dapamohu ŭ takich situacyjach.
Čytajcie taksama: U Minsku druhi dzień pratestujuć suprać intehracyi. Sotni demanstrantaŭ dajšli da pasolstva Rasii FOTY, VIDEA
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym13
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary