Свет

Нобелеўскую прэмію міру атрымаюць журналісты Марыя Рэса і Дзмітрый Муратаў

Такое рашэнне агучыў сёння Нобелеўскі інстытут у Осла.

Нарвежскі нобелеўскі камітэт прыняў рашэнне прысудзіць Нобелеўскую прэмію міру 2021 года амерыканска-філіпінскай журналістцы Марыі Рэса і галоўнаму рэдактару расійскай «Новай газеты» Дзмітрыю Муратаву за іх намаганні па абароне свабоды выказвання меркаванняў, што з'яўляецца папярэдняй умовай дэмакратыі і трывалага міру.

У Нобелеўскім камітэце адзначылі, што журналістка Марыя Рэса паказала сябе бясстрашнай абаронцай свабоды поглядаў і спрыяла інфармаванню свету аб кровапралітнай кампаніі па барацьбе з наркотыкамі, якую праводзіць прэзідэнт Філіпін Радрыга Дутэртэ.

«Нобелеўская лаўрэатка Марыя Рэса выкарыстоўвае свабоду выказвання меркаванняў, каб выкрыць злоўжыванне ўладай, прымяненне гвалту і рост аўтарытарызму ў сваёй роднай краіне, на Філіпінах. У 2012 годзе яна стала сузаснавальнікам Rappler, кампаніі анлайн-медыя, якая праводзіць журналісцкія расследаванні», — гаворыцца ў паведамленні Нобелеўскага камітэта.

РБК

«З моманту заснавання ў 1993 годзе «Новая газета» публікавала крытычныя артыкулы на тэмы ад карупцыі, паліцэйскага гвалту, незаконных арыштаў, маніпуляцый на выбарах, фабрык троляў і да выкарыстання расійскіх войскаў унутры і за межамі Расіі. Апаненты «Новай газеты» адказвалі на гэта пагрозамі, гвалтам і забойствамі. З моманту заснавання газеты забітыя шэсць яе журналістаў, уключаючы Ганну Паліткоўскую, якая пісала пра вайну ў Чачні.

Нягледзячы на забойствы і пагрозы, галоўны рэдактар Муратаў не адмовіўся ад прынцыпу незалежнасці і паслядоўна абараняў права журналістаў пісаць на выбраныя тэмы, пакуль гэта адпавядае прафесійным і этычным стандартам журналістыкі» — заявіла сёння кіраўнік нарвежскага Нобелеўскага камітэта Берыт Рэйс-Андэрсан.

Сёлета сярод фаварытаў прэміі лічыліся таксама Сусветная арганізацыя аховы здароўя, «Рэпарцёры без межаў», а таксама Аляксей Навальны, Грэта Тунберг, Святлана Ціханоўская.

Глядзіце, які зварот да беларусаў падпісваў нобелеўскі лаўрэат Дзмітрый Муратаў

Каментары

Цяпер чытаюць

Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы6

Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы

Усе навіны →
Усе навіны

У ліпені выпала амаль у паўтара разы болей ападкаў, чым звычайна1

Заснавальніца прыватнага медцэнтра расказала, як схуднела на 25 кілаграм і ледзь не памерла ад «Аземпіка»12

У Тульскай вобласці экс-баец узарваў гранату, якую прыцягнуў з вайны ва Украіне. Загінулі чатыры чалавекі4

«Увесь час паўтараў слова «Валынь». У Польшчы жорстка збілі сямейную пару з Беларусі27

Новы мост з боку рынку Ждановічы ўвойдзе ў тройку самых доўгіх у Мінску9

Выстаўка «Жахлівая прыгажосць» у Мінску — магчыма, самая смелая за апошнія гады1

Мастаку Алесю Пушкіну сёння магло споўніцца 60 гадоў2

У беларускай вёсцы на Смаленшчыне знайшлі жудасную шасціпальцую руку, якой каля 7 тысяч гадоў12

«Нёман» прайграў фарэрскаму «Клаксвіку» ў першым матчы трэцяга раўнду Лігі канферэнцый9

больш чытаных навін
больш лайканых навін

Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы6

Сустрэча Уіткафа з Пуціным была больш прадуктыўнай, чым чакалася. Трамп неадкладна сазваніўся з Зяленскім і лідарамі Еўропы

Галоўнае
Усе навіны →

Заўвага:

 

 

 

 

Закрыць Паведаміць