Nobieleŭskuju premiju miru atrymajuć žurnalisty Maryja Resa i Dźmitryj Murataŭ
Takoje rašeńnie ahučyŭ siońnia Nobieleŭski instytut u Osła.
BREAKING NEWS:
The Norwegian Nobel Committee has decided to award the 2021 Nobel Peace Prize to Maria Ressa and Dmitry Muratov for their efforts to safeguard freedom of expression, which is a precondition for democracy and lasting peace.#NobelPrize #NobelPeacePrize pic.twitter.com/KHeGG9YOTT
Narviežski nobieleŭski kamitet pryniaŭ rašeńnie prysudzić Nobieleŭskuju premiju miru 2021 hoda amierykanska-filipinskaj žurnalistcy Maryi Resa i hałoŭnamu redaktaru rasijskaj «Novaj haziety» Dźmitryju Muratavu za ich namahańni pa abaronie svabody vykazvańnia mierkavańniaŭ, što źjaŭlajecca papiaredniaj umovaj demakratyi i tryvałaha miru.
U Nobieleŭskim kamitecie adznačyli, što žurnalistka Maryja Resa pakazała siabie biasstrašnaj abaroncaj svabody pohladaŭ i spryjała infarmavańniu śvietu ab krovapralitnaj kampanii pa baraćbie z narkotykami, jakuju pravodzić prezident Filipin Radryha Duterte.
«Nobieleŭskaja łaŭreatka Maryja Resa vykarystoŭvaje svabodu vykazvańnia mierkavańniaŭ, kab vykryć złoŭžyvańnie ŭładaj, prymianieńnie hvałtu i rost aŭtarytaryzmu ŭ svajoj rodnaj krainie, na Filipinach. U 2012 hodzie jana stała suzasnavalnikam Rappler, kampanii anłajn-miedyja, jakaja pravodzić žurnalisckija rasśledavańni», — havorycca ŭ paviedamleńni Nobieleŭskaha kamiteta.
«Z momantu zasnavańnia ŭ 1993 hodzie «Novaja hazieta» publikavała krytyčnyja artykuły na temy ad karupcyi, palicejskaha hvałtu, niezakonnych aryštaŭ, manipulacyj na vybarach, fabryk trolaŭ i da vykarystańnia rasijskich vojskaŭ unutry i za miežami Rasii. Apanienty «Novaj haziety» adkazvali na heta pahrozami, hvałtam i zabojstvami. Z momantu zasnavańnia haziety zabityja šeść jaje žurnalistaŭ, uklučajučy Hannu Palitkoŭskuju, jakaja pisała pra vajnu ŭ Čačni.
Niahledziačy na zabojstvy i pahrozy, hałoŭny redaktar Murataŭ nie admoviŭsia ad pryncypu niezaležnaści i paśladoŭna abaraniaŭ prava žurnalistaŭ pisać na vybranyja temy, pakul heta adpaviadaje prafiesijnym i etyčnym standartam žurnalistyki» — zajaviła siońnia kiraŭnik narviežskaha Nobieleŭskaha kamiteta Bieryt Rejs-Andersan.
Sioleta siarod favarytaŭ premii ličylisia taksama Suśvietnaja arhanizacyja achovy zdaroŭja, «Reparciory bieź miežaŭ», a taksama Alaksiej Navalny, Hreta Tunbierh, Śviatłana Cichanoŭskaja.
Hladzicie, jaki zvarot da biełarusaŭ padpisvaŭ nobieleŭski łaŭreat Dźmitryj Murataŭ
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary