У Японіі стварылі экран тэлевізара, які перадае смак ежы, і яго можна лізаць
У Японіі стварылі прататып экрана тэлевізара, які можа імітаваць смакі ежы. Ён дазваляе чалавеку пакаштаваць страву, якую паказваюць па тэлевізары.
Прылада пад назвай Taste-the-TV («пакаштуй на смак тэлевізар») мае дзесяць кантэйнераў з харчовымі дадаткамі, піша Бі-бі-сі.
Гэтыя дадаткі камбінуюцца і распыляюцца на «гігіенічную плёнку» плоскага экрана тэлевізара, які можа аблізаць глядач.
На думку стваральніка вынаходкі, прафесара Універсітэта Мэйдзі ў Токіа Хамеі Міяшыта, такі тэлевізар можна выкарыстоўваць для дыстанцыйнага навучання кухараў і самелье.
Калі тэлевізар будуць прадаваць, то ён будзе каштаваць 875 даляраў (у эквіваленце), падлічыў прафесар.
Мэта ў тым, каб даць людзям магчымасць пакаштаваць нешта накшталт ежы ў рэстаране на іншым канцы свету, нават застаючыся дома», — растлумачыў Міяшыта.
Прафесар прагназуе свет, дзе «смакавы кантэнт можна будзе спампаваць. У эпоху кавіду такая тэхналогія магла б палепшыць сувязь людзей са знешнім светам, лічыць ён.
‘Taste the TV’: A Japanese professor has developed a prototype lickable TV screen that can imitate food flavors https://t.co/JWVhiU94z1 pic.twitter.com/ZgxmfTf1Xn
Але карыстальнікі Твітара цікавяцца, ці правільна запускаць вытворчасць такога тэлевізара, калі з пачатку пандэміі прайшло ўжо шмат часу.
Раней прафесар Міяшыта і яго студэнты выпусцілі некалькі розных прылад, уключаючы відэлец, што робіць смак ежы багацейшым.
«Уменне» новага тэлевізара журналістам таксама прэзентавала адна са студэнтак.
Яна сказала машыне, што хоча «салодкі шакалад», і пасля некалькіх спробаў заказ «распыліўся» на плёнку экрана.
«Гэта нешта накшталт малочнага шакаладу», — сказала студэнтка, пакаштаваўгы.
Інданезійскія даследчыкі прыдумалі, як выкарыстоўваць кававую гушчу ‒ рабіць акумулятары для электрамабіляў
Новая запатрабаваная прафесія data scientist з шасцізначным заробкам
Цяпер чытаюць
Сваякі каскадзёра, які ледзь не загінуў на аўташоу ў Лідзе, расказалі, што з ім цяпер1
Каментары