Амаль 30% з'ехалі, амаль 30% плануюць. Куды з'язджаюць айцішнікі
Dev.by высвятляў, колькі айцішнікаў з'ехала з краіны або плануе гэта зрабіць. Планамі падзяліліся 3000+ спецыялістаў.
Паўдзельнічалі ў апытанні 3000+ ІТ-спецыялістаў. Больш за 40% — распрацоўшчыкі. 50% спецыялістаў працуе ў аўтсорсе, траціна — у «прадукце».
Аб пераездзе або намеры рэлакавацца распавялі 55% ІТ-спецыялістаў. 27% кажуць, што ўжо з'ехалі, 28% — плануюць. Столькі ж не вызначыліся. Толькі 15% не збіраюцца рэлакавацца.
Больш за ўсё рэлакантаў і жадаючых з'ехаць сярод сеньёраў і лідаў — 60%+, менш за ўсё сярод джунаў — 43%.
C-Level выехаў або плануе ў 69% выпадкаў. Менш за ўсё рэлакантаў сярод нетэхнічных спецыялістаў — сэйлзаў, рэкруцёраў (36,7 і 31,6 працэнта).
Куды плануюць з'ехаць / з'ехалі
Амаль 38% ІТ-спецыялістаў выбралі для пераезду Польшчу, 25,5% — Грузію. Гэтыя напрамкі лідуюць з вялікім адрывам.
8% выбіраюць Літву. Астатнія лакацыі папулярныя яшчэ менш.
Сярод іншых краін, якія абралі айцішнікі, — Чарнагорыя, ААЭ, Дамінікана, Іспанія, Чэхія, Канада, Ізраіль, Арменія, Сербія і Францыя.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары