Штайнмаер заявіў аб «канчатковым правале» расійскай палітыкі Германіі і паабяцаў сваёй краіне цяжкія гады
Прэзідэнт Германіі Франк-Вальтэр Штайнмаер выступіў з тэлезваротам да народа, у якім расказаў аб сваім нядаўнім візіце ў Кіеў. Па словах Штайнмаера, вялікая вайна, якая пачалася 24 лютага, адзначыла «эпахальныя перамены» ў Еўропе.
Штайнмаер прызнаў сваю асабістую адказнасць за правальныя спробы Германіі падтрымліваць з Масквой добрыя адносіны.
«У сваёй імперскай апантанасці расійскі прэзідэнт парушыў міжнароднае права, здзейсніў захоп зямлі, паставіў пад сумнеў межы. Расійскі напад — гэта напад на ўсе ўрокі, якія свет вынес з дзвюх сусветных войн», — сказаў прэзідэнт ФРГ.
Штайнмаер папярэдзіў, што краіну чакаюць «няпростыя гады». Ён заявіў, што ў сувязі з вайной і энергетычным крызісам жыхарам давядзецца ахвяраваць. Аднак нямецкі прэзідэнт выступіў у абарону ўведзеных супраць Расіі санкцый і павышэння выдаткаў на абарону.
У Кіеў Штайнмаер трапіў з трэцяй спробы. Першыя візіты планаваліся яшчэ ў красавіку, але былі адкладзеныя ўкраінскім бокам з-за нерашучай і асцярожнай пазіцыі Берліна, якая ў Кіеве здавалася прарасійскай.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары