Колькасць выяўленых падробленых даляраў ЗША ў Беларусі павялічылася за студзень-верасень 2022 года на 87,7%. Пры гэтым колькасць выяўленых фальшывых расійскіх рублёў скарацілася, падаў статыстыку Нацыянальны банк.
Банкаўскія работнікі па выніках трох кварталаў 2022 года выявілі 705 падробленых банкнот, падробленыя манеты ім не сустракаліся. Асноўная колькасць выяўленых фальшывых банкнот — гэта даляры ЗША (84,4%).
Доля падробленых расійскіх рублёў склала 9,9%, еўра — 4,5%, беларускіх рублёў — 1,0%, іншых валют — 0,1%.
У параўнанні з аналагічным перыядам 2021 года агульная колькасць выяўленых падробленых грашовых знакаў павялічылася на 19,9%. Колькасць выяўленых падробленых даляраў ЗША павялічылася на 87,7%. У той жа час зменшылася на 68,5% колькасць выяўленых падробленых расійскіх рублёў, на 27,3% — еўра. Колькасць падробак беларускіх рублёў павялічылася ў абсалютным выражэнні ўсяго на 3 штукі.
66,5 працэнта ўсіх падробленых грашовых знакаў выяўлена ў Мінску, у абласцях Беларусі — у межах 3,1—9,5%. Увогуле ж падробленыя грашовыя знакі былі знойдзеныя ў 49 населеных пунктах.
Сярод падробленых банкнот пераважалі даляры ЗША: а менавіта банкноты наміналамі 100 і 50 даляраў — 77,6% і 21,0% адпаведна.
Цяпер чытаюць
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары