Вялікі знос дабраўся да Кальварыйскай. Хутка пачнуць прыбіраць хаты каля «Кароны»
Гэтай восенню хвалі вялікага зносу адначасова дакаціліся да самых розных куткоў Мінска: будаўнічая тэхніка зашумела побач з «Мінск-Светам», прыйшла на вуліцу Кальцова і ў раён Арлоўскай. Настаў час і прыватнага сектара за гіпермаркетам «Карона», піша Realt.by.
Днямі хаты, якія засталіся ў раёне вуліц Кальварыйскай і Максіма Танка, агароджвалі будаўнічым плотам. Гэта значыць, што працэс дэмантажу пераходзіць у актыўную фазу. Журналісты Realt.by пабывалі на месцы, каб зафіксаваць, як выглядае ўчастак, дзе ў будучыні, па чутках, хочуць пабудаваць жылыя шматпавярховікі.
На фоне вялікага гандлёвага цэнтра, мільёна аўтамабіляў і жылых вышынь старыя драўляныя хаты, канечне, выглядаюць іншародна. А калісьці прыватны сектар, ад якога цяпер засталіся толькі два невялікія завулкі, займаў усю ваколіцу.
Калі летам у дамах яшчэ можна было заўважыць нейкае жыццё (хтосьці пакаваў рэчы, хтосьці збіраў апошні ўраджай), то з надыходам восені гаспадаркі цалкам апусцелі.
Мінулы раз гаспадары сядзіб на вуліцы Максіма Танка і ў Слаўным завулку казалі журналістам, што пытанне з выплатамі ўжо закрытае. Гэта пацвярджае і жоўты будаўнічы плот, які з'явіўся днямі. Людзі адсюль канчаткова з'ехалі, забраўшы з хат усё каштоўнае, аж да захаваных будматэрыялаў.
Пры гэтым перспектывы ў гэтай лакацыі — велізарныя. Бо нават пры сціплых памерах размяшчэнне ўчастка выглядае выйгрышна. У крокавай даступнасці — станцыя метро, прыпынак электрычкі, буйныя крамы, ды і да гістарычнага цэнтра рукой падаць.
Сталічныя дэвелаперы даўно заглядаліся на гэту пляцоўку. Праўда, калі 10 гадоў таму тут планавалі ўзвесці дзелавы квартал, то цяпер канцэпцыя змянілася ў бок жылой забудовы.
Раней тэлеграм-канал «Літоўская пра жыллё» паведамляў, што ў межах Кальварыйскай і Ціміразева вырасце вялікі высокапавярховы комплекс з «фантастычнымі вежамі». Зрэшты, горадабудаўнікі пакуль захоўваюць маўчанне, а даныя на кадастравай карце Мінска дагэтуль застаюцца ранейшымі.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
- RASPAUSYDZVALI INFO NA VIALIKUY KOLKASC NASELNISTVA -
TO TADY MOZA CHTOSTI I ADTRYMALASA ZMANIC
P.S ULADY DAUC GRACHOVY KAMPENSACIY U 4- 5 RAZOU MENCHYU ZA RYNACZNY KOST