Ва Украіне параненага байца ўпершыню эвакуявалі з перадавой паветраным дронам ВІДЭА
Украінскія вайскоўцы паведамілі пра паспяховую эвакуацыю параненага пехацінца цяжкім дронам-бамбардзіроўшчыкам. Наземная эвакуацыя была немагчымая праз міны і актыўнасць расійскіх беспілотнікаў. Аперацыя стала першай эвакуацыяй з лініі фронту паветраным дронам.
Паранены вайсковец 30‑й асобнай механізаванай брыгады заставаўся на пазіцыі, адкуль яго не маглі вывезці нават наземным робатам. Тады спецыялісты роты беспілотных наземных сістэм 92‑й асобнай штурмавой брыгады прапанавалі забраць байца па паветры.
Для гэтага выкарысталі цяжкі гексакоптар — дрон з шасцю ротарамі — украінскай кампаніі Gurzuf Defence. Вытворца перадаў апарат для аперацыі і дапамог прыстасаваць яго да перавозкі чалавека.
HISTORIC FIRST: Ukrainian forces completed the first-ever aerial evacuation of an injured soldier from the frontline using a drone.
Soldiers from the 92nd Assault Brigade and 30th Mechanized Brigade used a heavy Gurzuf Defence hexacopter to rescue the wounded infantryman from a heavily mined area.
Паводле ўдзельнікаў місіі, галоўнай тэхнічнай задачай было забяспечыць устойлівасць дрона: ён павінен быў несці параненага, не перакульваючыся і без празмернага разгойдвання. Перад эвакуацыяй спецыялісты разам з вытворцам правялі выпрабаванні і ўзгаднілі план з іншымі падраздзяленнямі.
Падчас самой аперацыі дронам кіраваў аператар 30‑й механізаванай брыгады. Параненага ўдалося вывезці і перадаць на лячэнне. Пра яго стан вайскоўцы паведамілі: «Цяпер ён праходзіць лячэнне і рэабілітацыю, яго жыццю ўжо нічога не пагражае».
Удзельнікі аперацыі адзначаюць, што такі спосаб можа пашырыць магчымасці выратавання параненых там, дзе шлях па зямлі перакрываюць міны і варожыя дроны.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары