Лукашэнка: Я стаяў ля вытокаў працы эміратцаў па штучным інтэлекце
Аляксандр Лукашэнка сёння наведаў выставу «Беларусь інтэлектуальная». Там яго зноў «занесла».
Лукашэнка заявіў, што яго «запрашаюць у Эміраты». І дадаў: «Як ні дзіўна, я стаяў ля вытокаў працы эміратцаў па штучным інтэлекце».
Тлумачэнне такому ён даў не вельмі зразумелае. «Кітайскія вучоныя, яны іх сабралі, грошай далі, і яны сур’ёзна працавалі. І яны мяне прасілі, каб я дазволіў ім працаваць у Беларусі. Я сказаў, ды гасподзь з вамі, прыязджайце», — сказаў ён.
Гутарка ішла пра новы парк «Паўночны бераг», які павінен зʼявіцца на тэрыторыі Цнянскага вадасховішча.
«Чаму я на гэта клюнуў? Не толькі таму, што там $5 млрд інвестыцый будзе, а яны паабяцалі мне стварыць гэты разумны горад. І там магутную адукацыйную платформу па штучным інтэлекце. Там будзе ўніверсітэт, будзем рыхтаваць людзей», — расказаў Лукашэнка.
Каментары