Настасся Касцюгова адрэагавала на паказанні Пратасевіча: Жаночымі маршамі займалася я, мама ніколі не мела да гэтага дачынення
На судзе, паводле праўладных медыя, Раман Пратасевіч пачаў даваць паказанні. Ён выказаў меркаванне, што арганізатаркай жаночых маршаў была палітолаг Валерыя Касцюгова. Але гэта памылка.
Настасся Касцюгова, дачка затрыманага палітолага, раней не раз расказвала, што была адной з арганізатарак жаночых маршаў.
«Дарагія пракуратура, суд, следчыя і хто там яшчэ. Для пратакола: у інтэрнэце ляжыць мноства розных інтэрв'ю, дзе я цалкам чыстасардэчна прызнаюся, што суарганізацыяй жаночых маршаў займалася я. Мама ніколі не мела да гэтага ніякага дачынення. Як і Пратасевіч», — адрэагавала на публікацыю Настасся Касцюгова ў твітары.
На суд не дапускаюць незалежных журналістаў, таму невядома, якое імя канкрэтна прагучала і хто паблытаў імёны — Пратасевіч ці журналістка «Мінскай праўды», якая запісвала за ім у судзе.
Палітолага Валерыю Касцюгову 6 лютага пачалі судзіць у Мінгарсудзе.
«Маршруты абмяркоўваліся з Пальчысам, а жаночымі маршамі займалася Касцюгова». Пратасевіч дае паказанні ў судзе
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары