З-за запаволенага афармлення транспарту сумежнымі кантрольнымі службамі чэргі з машын на ўезд у Польшчу, Літву і Латвію выраслі на 20%, паведамляе Дзяржаўны пагранічны камітэт. Памежнікі тлумачаць напружаную сітуацыю з выездам на мяжы перадсвяточнымі днямі.
У пятніцу, 7 красавіка, самая доўгая чарга з грузавікоў сабралася каля пункта пропуску «Казловічы» — «Кукурыкі» на мяжы з Польшчай: тут чакае афармлення больш за тысячу фур. З пачатку тыдня польскія памежнікі і мытнікі прапускаюць толькі палову велікагрузаў ад нормы. Праз пункт пропуску «Брэст» — «Тарэспаль» прапускаюць у сярэднім увогуле нібыта 26% легкавых аўтамабіляў.
Для параўнання: літоўскі бок прапускае ў сярэднім 45% велікагрузаў, латвійскія памежнікі праз пункт «Патэрніекі» — «Грыгароўшчына» афармляюць 56% транспарту (у чарзе больш за 170 аўтамабіляў).
З затрымкамі ідзе афармленне ў літоўскіх пунктах пропуску «Мядзінінкай» — «Каменны Лог» (610 грузавікоў у чарзе), «Шальчынінкай» — «Беняконі» (490 фур) і «Райгардас» — «Прывалка» (180 велікагрузаў).
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?2
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары