Здарэнне адбылося ў адзін з дзён на вуліцы Ангарскай, паведамляюць «Мінск-Навіны».
У 58-гадовага мужчыны адбыўся канфлікт з незнаёмым чалавекам, які выгульваў сабаку і не прыбраў за ім — сабака справіў патрэбу на газоне.
Мужчына дастаў з кішэні нож, ударыў ім гаспадара жывёлы ў грудзі і сышоў.
Параненага мужчыну заўважылі суседзі і выклікалі брыгаду хуткай дапамогі. Нягледзячы на рэанімацыйныя мерапрыемствы, пацярпелы памёр у бальніцы.
— Абвінавачаны даглядаў хворую маці ў якасці сацыяльнага работніка, судзімасці не меў, — пракаментавала намесніца начальніка аддзела пракуратуры горада Мінска ў наглядзе за адпаведнасцю закону судовых пастаноў у крымінальных справах Людміла Іваненка. — Падчас судовага пасяджэння віну ў інкрымінаваным яму злачынстве ён адмаўляў, настойваў, што забіў пацярпелага пры перавышэнні межаў неабходнай абароны, у зробленым раскаяўся.
Суд прызнаў яго вінаватым у наўмысным супрацьпраўным пазбаўленні жыцця іншага чалавека (забойстве) і на падставе ч. 1 арт. 139 КК асудзіў на 7 гадоў і 6 месяцаў калоніі ўзмоцненага рэжыму. Прысуд уступіў у законную сілу.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары