Культура

Музей імя Івана Луцкевіча ў Вільні запрашае на Ноч музеяў

Сёлета Ноч музеяў выпадае на 13 мая (субота). Музей імя Івана Луцкевіча, як адзіны беларускі музей Вільні, шчыра запрашае да сябе ў госці.

Арганізатары падрыхтавалі шырокую праграму. Забавы будуць і ўнутры музея, і на падворку. Далучыцца да мерапрыемства можна ў любы час!

Расклад мерапрыемстваў

Унутры музея

Выставы:

16:00 — і да закрыцця «Гісторыя беларускага супраціву» (унутры музея);

18:00 — і да закрыцця «Таямніцы старадаўняй тыпаграфіі» (вялікая зала). Можна паглядзець старыя мапы і зрабіць адбітак на тыпаграфскім станку.

Майстар-класы (бібліятэка):

16:30 — 17:30 птушка з саломы;

17:30 — 18:30 вышыўка ахоўнага арнаменту процягам;

18:30 — 19:30 выраб традыцыйнай тэкстыльнай лялькі.

Майстар-класы разлічаныя на дарослых (але пры жаданні могуць удзельнічаць падлеткі ад 11 гадоў).

Увага! Колькасць месцаў абмежаваная.

Удзел у майстар-класах па папярэднім запісе.

На падворку

Актыўнасці і гульні

Міні-кірмаш — 16:00 — і да закрыцця.

У чырвоным намёце, што будзе стаяць на падворку, можна набыць кніжкі на беларускай мове, а таксама рамесныя вырабы беларускіх майстроў.

Гульні для дзяцей — 16:30 — 18:00.

Традыцыйныя беларускія гульні. Будзе весела! Гульні для дзяцей, але далучацца могуць і дарослыя.

Квэст

Старт і рэгістрацыя камандаў — на падворку.

Старт — не раней за 16:30.

Фініш — не пазней за 20:00.

Стартаваць і фінішаваць можна ў любы час (з 16:30 да 20:00).

Пры рэгістрацыі каманда атрымлівае заданні (на выбар: на беларускай, ангельскай ці літоўскай мовах) і адзначае час старту. Пункты могуць быць статычныя, а могуць быць рухомыя (падказка: шукайце нашых валанцёраў), могуць быць унутры музея, а могуць быць на падворку. Калі ўсе заданні пройдзеныя, трэба вярнуць аркуш з заданнямі на пункт рэгістрацыі і адзначыць час фінішу.

Перамагае тая каманда, якая выканае заданні правільна і як найхутчэй.

Першыя тры каманды атрымаюць прызы!

Музычна-танцавальная праграма:

19:30 — 20:00 выступ гурта «Беларускі цуд»;

20:00 — 21:00 выступ дудара і майстар-клас па беларускіх традыцыйных танцах;

21:00 узнагароджанне пераможцаў квэсту;

пасля 21:00 запрашаем на гарбату.

Вітаюцца госці ў традыцыйных строях ці апранутыя ў «беларускім стылі».

Каментары

Цяпер чытаюць

Стала вядома, дзе працуе фаварытка Лукашэнкі Уладлена Зайцава19

Стала вядома, дзе працуе фаварытка Лукашэнкі Уладлена Зайцава

Усе навіны →
Усе навіны

Дадаў цыянід у пратэінавы напой. Стаматолаг атруціў жонку, а затым спрабаваў забіць следчага3

Масіраваная атака БПЛА на Расію: пажары на нафтазаводах, радыёзаводзе і выбухі каля вайсковага аэрадрома6

Расіяне выбралі, які помнік будзе пастаўлены ў Гомелі31

Штучны інтэлект можа прывесці да вымірання чалавецтва, папярэджваюць эксперты14

Папулярны блогер Пан Усялян другі раз стаў татам13

Расійскія турысты знайшлі на пляжы ў Тайландзе ваніты кашалота. Яны каштуюць шалёныя грошы1

Блогер параўнаў кошт адпачынку ў санаторыі «Радон» з паездкай на кітайскі востраў Хайнань — і быў шакаваны2

Дарадца Ціханоўскай перадаў лукашэнкаўскім дыпламатам прапанову пра круглы стол28

У адказ на балбатню Мядзведзева Трамп загадаў перамясціць ядзерныя падводныя лодкі10

больш чытаных навін
больш лайканых навін

Стала вядома, дзе працуе фаварытка Лукашэнкі Уладлена Зайцава19

Стала вядома, дзе працуе фаварытка Лукашэнкі Уладлена Зайцава

Галоўнае
Усе навіны →

Заўвага:

 

 

 

 

Закрыць Паведаміць