Наяўнасць расійскіх ядзерных зарадаў на тэрыторыі Беларусі ўжо цяпер малаімаверная — Генштаб УСУ
Намеснік начальніка галоўнага аператыўнага ўпраўлення Генеральнага штаба Узброеных Сіл Украіны брыгадны генерал Аляксей Громаў у інтэрв'ю агенцтву «Укрінфарм» выказаў сумнеў у тым, што ядзерная зброя ў Беларусь ужо дастаўленая.
«Я не магу пацвердзіць гэтую інфармацыю. Для захоўвання ядзерных боепрыпасаў неабходна стварыць спецыяльныя ўмовы, разгарнуць базу для іх абслугоўвання.
Гэта вельмі складаны тэхналагічны працэс. На сёння наяўнасць ядзерных зарадаў на тэрыторыі Беларусі малаімаверная», — адзначыў генерал.
Громаў падкрэсліў, што цяжка сказаць, наколькі рэальная пагроза выкарыстання ядзернай зброі супраць Украіны. У гэтым кантэксце ён падкрэсліў:
«Не трэба забывацца, што гэта вайна з падступным праціўнікам, які не прытрымліваецца міжнароднага права і гатовы на ўсё дзеля дасягнення сваіх мэтаў. Яскравым прыкладам для нас стала знішчэнне расіянамі Кахоўскай ГЭС».
16 чэрвеня прэзідэнт Расіі Уладзімір Пуцін заявіў, што ў Беларусь, маўляў, ужо дастаўленая першая партыя ядзерных зарадаў, якія плануюць размясціць на тэрыторыі краіны.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь24
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары