Трамп патлумачыў, як хоча прымусіць Зяленскага і Пуціна заключыць мірнае пагадненне
Прэтэндэнт на месца кандыдата ў прэзідэнты ЗША ад Рэспубліканскай партыі, экс-прэзідэнт краіны Дональд Трамп патлумачыў у інтэрв'ю тэлеканалу Fox News, як у выпадку сваёй перамогі на выбарах хоча прымусіць прэзідэнтаў Украіны і Расіі заключыць мірнае пагадненне.
«Я вельмі добра ведаю Зяленскага, і я вельмі добра ведаю Пуціна, нават лепш. І ў мяне былі добрыя адносіны, вельмі добрыя з імі абодвума. Я б сказаў Зяленскаму: «Хопіць. Вы павінны заключыць пагадненне». Я б сказаў Пуціну: «Калі вы не заключыце пагадненне, мы дамо яму [Украіне — Рэд.] вельмі шмат. Больш, чым яны калі-небудзь атрымлівалі, калі давядзецца». Я заключу пагадненне за адзін дзень. За адзін дзень», — заявіў Трамп.
Яшчэ 26 сакавіка 2023 года Дональд Трамп паабяцаў сваім выбаршчыкам завяршыць вайну ва Украіне за 24 гадзіны пасля свайго абрання на другі прэзідэнцкі тэрмін. Пазней ён таксама паўтарыў гэты тэзіс.
Трэцяга чэрвеня Зяленскі адзначыў, што «не зразумеў» словы Трампа пра тое, што ён бы завяршыў поўнамаштабную вайну за адны суткі, пасадзіўшы Кіеў і Маскву за стол перамоваў.
9 ліпеня Зяленскі заявіў, што прэзідэнт ЗША Джо Байдэн мог бы скончыць вайну ва Украіне і за 5 хвілін, калі б гаворка ішла аб здачы ўкраінскіх тэрыторый, але Украіна б не пагадзілася на гэта.
Цяпер чытаюць
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі11
Намеснікам кіраўніка Адміністрацыі прэзідэнта стаў цвердалобы Муравейка, а Генштаб узначаліў генерал, які не вучыўся ў Расіі
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1111
Каментары