Пра смерць спевака паведаміла інфармацыйнае агенцтва Ansa. Яму было 80 гадоў.
Сальваторэ (Тота — скарочаная форма імя) Кутуньё нарадзіўся 7 ліпеня 1943 года і з ранніх гадоў захапляўся музыкай. Першыя музычныя ўрокі ён атрымліваў ад свайго бацькі, які быў трубачом.
З 19 гадоў Тота пачаў выступаць у розных групах у якасці ўдарніка, а ўжо ў канцы 60-х стаў прафесійным кампазітарам. У 1963 годзе Кутуньё стварыў уласную групу Toto e Tati (у 1975 пераназваў яе ў Albatros) і пачаў выступаць з ёй па ўсёй Італіі.
З 1975 года Кутуньё ўсё больш стаў выступаць сам як традыцыйны эстрадны спявак, у тым ліку двойчы — на фестывалі італьянскай песні ў Сан-Рэма, дзе ў 1980 годзе атрымаў перамогу.
Як кампазітар ён пісаў песні для Джо Дасэна, Адрыяна Чэлентана, Мірэй Мацьё, Мішэль Сарду і іншымі вядомых выканаўцаў.
Сапраўдны прарыў для Тота Кутунья адбыўся ў 1983 годзе, калі ягоная песня L'Italiano vero стала сусветным хітом, яна пасля была перакладзеная на многія мовы.
У 1990 годзе Кутуньё перамог на «Еўрабачанні» ў тады яшчэ югаслаўскім Заграбе.
У пачатку 2007 года Кутуньё перанёс аперацыю ў сувязі з анкалагічнай хваробай і наступную хіміятэрапію. Але ўжо ў канцы таго ж года вярнуўся да актыўнай творчай дзейнасці, якая працягвалася яшчэ шмат гадоў.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары