Уначы 5 кастрычніка на волю выйшаў палітвязень Арсеній Чыжык, паведаміў «Белсат». Яго, як і дзясяткі іншых грамадзянаў Беларусі, пакаралі зняволеннем у «справе Зельцэра».
Арсенія Чыжыка, сябра Маладога фронту, затрымалі 30 верасня 2021 года ў Гомелі за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і IT-спецыяліста Андрэя Зельцэра. На кватэры хлопца спачатку адбыўся ператрус, а потым яго адвезлі да суда ў следчы ізалятар.
Следчыя спачатку абвінавачвалі яго паводле двух крымінальных артыкулаў — 369 («абраза прадстаўніка ўлады»), а таксама 130 («распальванне сацыяльнай варожасці»). Але потым пакінулі ў справе толькі артыкул 130 КК.
Суддзя Руслан Царук пакараў Чыжыка зняволеннем тэрмінам на два з паловай гады.
Цяпер Чыжык мусіць стаць на ўлік у Жыткавіцкім раённым аддзеле міліцыі, што на Гомельшчыне.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек1
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары