Губернатар Прымор'я расказаў, як разам з Лукашэнкам спрабаваў ажаніць Рамана Пратасевіча з Сафіяй Сапегай
Губернатар расійскага Прыморскага краю Алег Кажамяка расказаў, што нібыта разам з Лукашэнкам прапаноўваў Сафіі Сапезе пабрацца шлюбам з Раманам Пратасевічам. Маўляў, была ідэя спачатку іх пажаніць, а пасля памілаваць, але Пратасевіч адмовіўся ад гэтай прапановы.
«Я размаўляў з гэтай дзяўчынкай (Сапегай), якую дапамаглі выцягнуць з турмы, якія былі ў яе мэты. Проста закахалася ў хлопца гэтага (Пратасевіча). Ён яе кінуў.
Я з Аляксандрам Рыгоравічам (Лукашэнкам) размаўляў, мы прапанавалі ім ажаніцца і выпусціць іх, але ён (Пратасевіч) ад яе адмовіўся. Цяпер яна перахрысцілася, дзякуй богу, жыве з бацькамі, і ўсё ў яе добра», — сказаў Кажамяка на пасяджэнні Міжнароднага моладзевага дыскусійнага клуба «Ціхаакіянскі гарызонт» у далёкаўсходнім Федэральным універсітэце ў пятніцу.
Сафія Сапега, якая была адміністратаркай «Чорнай кнігі Беларусі», была затрыманая разам з адным з заснавальнікаў тэлеграм-канала Nexta Раманам Пратасевічам у траўні 2021 года пасля прымусовай пасадкі самалёта авіякампаніі Ryanair у мінскім аэрапорце. Пратасевіча ўрэшце асудзілі на 8 гадоў зняволення, а Сапегу — на 6. Абое супрацоўнічалі са следствам і былі ў сярэдзіне 2023 года памілаваныя. Забіраць грамадзянку Расіі Сафію Сапегу з Гомельскай жаночай калоніі прыязджаў асабіста Алег Кажамяка, бо яна паходзіць з Прыморскага краю.
Рамантычныя адносіны паміж Пратасевічам і Сапегай распаліся неўзабаве пасля арышту, а ў траўні 2022 года Пратасевіч заявіў, што ўжо жанаты з іншай жанчынай.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары