Валер Кавалеўскі абмеркаваў паглыбленне парламенцкага супрацоўніцтва з Ісландыяй
Намеснік кіраўніцы Аб'яднанага пераходнага кабінета Беларусі і прадстаўнік па замежных справах наведаў 23-24 лістапада з працоўным візітам Ісландыю.
Фота: тэлеграм-канал Прадстаўніцтва па замежных справах Аб'яднанага Пераходнага Кабінета Беларусі.
Пра гэта паведамляе тэлеграм-канал Прадстаўніцтва па замежных справах Аб'яднанага Пераходнага Кабінета Беларусі.
Адбыліся сустрэчы з палітычным дырэктарам МЗС Марыяй М'ёлі і дарадцам міністра Херсірам Олафсанам, дарадцай прэзідэнта Унай Сігватсдоцір і старшынёй камітэта па міжнародных адносінах нацыянальнага парламента Дзільяй Міст Ейнарсдоцір.
Сярод абмеркаваных тэм — прыярытэтныя пытанні для беларусаў:
- міграцыйная праблематыка і дапамога Ісландыі ў вырашэнні праблем, з якімі сутыкнуліся беларусы,
- падтрымка Ісландыяй еўрапейскага выбару Беларусі і ўдзел у рэалізацыі крокаў па дасягненні гэтай мэты,
- пагроза незалежнасці і нацыянальнай ідэнтычнасці Беларусі з боку Расіі.
- паглыбленне парламенцкага супрацоўніцтва, у тым ліку, праз удзел у Альянсе за дэмакратычную Беларусь,
- працяг кантактаў на найвышэйшым палітычным узроўні.
«Візіт адбываўся на тле прызначэння новага міністра замежных спраў і важна было пачуць ад ісландскага боку, што іх палітыка па Беларусі застаецца нязменнай.
Супрацоўніцтва Беларусі з Ісландыяй — прыклад таго, наколькі насычанымі і практычнымі могуць быць адносіны паміж геаграфічна аддаленымі народамі, якія аднак збліжаюць агульныя каштоўнасці, салідарнасць і спагада», — зазначыў Валер Кавалеўскі.
«Наша Нiва» — бастыён беларушчыны
ПАДТРЫМАЦЬЦяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец76
Каментары