Стартуе суд з незвычайным наборам фігурантаў — галоўны санітарны доктар Міншчыны, міліцэйская начальніца і бізнэсмен з Арменіі
У справе — хабар, службовы падлог і незарэгістраваная зброя.
Пра затрыманне 65-гадовага галоўнага ўрача Мінскага абласнога цэнтра гігіены і эпідэміялогіі Уладзіміра Рызгунскага паведамлялася ў маі 2023 года. Тады прычыны пераследу былі невядомыя.
Уладзімір родам з Нарачы Мядзельскага раёна. 20 гадоў быў галоўным санітарным урачом Валожыншчыны. Пасля яго перавялі ў Мінск, ён дарос да пасады галоўнага санітарнага ўрача Мінскай вобласці.
Другі чалавек, які праходзіць па справе разам з Рызгунскім — бізнэсмен родам з Арменіі Месроп Даўцян. У інтэрв'ю для дзяржаўных каналаў ён расказаў, што ў 90-я прыехаў у Беларусь і вырашыў тут застацца. За гэты час ён адкрыў рэстаран «Ачаг» пад Мінскам і сетку аўтамыйняў. Сярод ягоных хобі — калекцыянаванне савецкіх рэтрааўтамабіляў. У мужчыны чацвёра дзяцей.
Адметна, што бізнэс Даўцяна ледзь не прагарэў — будову рэстарана прызналі незаконнай. Месроп напісаў ліст Лукашэнку, у якім патлумачыў сітуацыю: маўляў, не хацеў парушаць закон, а проста не здолеў разабрацца.
Адміністрацыя Лукашэнкі пайшла насустрач і дазволіла Даўцяну працягнуць бізнэс — за гэта, мяркуючы з інтэрв'ю, Месроп вельмі палюбіў кіраўніка краіны.
Трэцяя ў справе — Вікторыя Емільяновіч, ужо былая намесніца начальніка аддзела па грамадзянстве і міграцыі УУС Мінскага райвыканкама. Раней яна працавала старшым інспектарам у Першамайскім АГІМ Мінска, а ў 2014-м нейкі час нават была начальніцай Фрунзенскага АГІМ Мінска.
Суд пачынаецца 7 сакавіка 2024-года. Сярод артыкулаў — «дача хабару», «атрыманне хабару», «службовы падлог» і «незаконныя дзеянні ў дачыненні да зброі або выбуховых рэчываў».
«Наша Нiва» — бастыён беларушчыны
ПАДТРЫМАЦЬЦяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары14
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары