Міністэрства падаткаў і збораў паведаміла, што з 1 мая падаражэюць цыгарэты. Цэны падымуцца на 77 марак, падаражанне складзе ад 5 да 45 капеек.
Даражэе прадукцыя прадпрыемстваў «Тытунь-Інвест», «Сентоні ПРО» і цыгарэты, якія ўвозіць «Беларусьгандаль». У той жа час прадукцыя ад тытунёвай фабрыкі «Нёман» і «Інтэр табака», а таксама імпарт «Сентоні ПРО» даражэць гэтым разам не будуць.
Напрыклад, марка Sobranie Caster падаражэе на 45 капеек. На 30 капеек падаражэюць некалькі марак ад «Сентоні ПРО». На «Карону» і «Форт» кампаніі «Тытунь-Інвест» цана вырасце на 5 капеек.
Акрамя таго, «Сентоні ПРО» пачне вырабляць новыя для Беларусі маркі цыгарэт, а таксама ўвозіць новыя для сябе маркі. Напрыклад, вырабляцца будуць Kent Nano Feel (6,75 рубля), Pall Mall Nano Aroma Brown і Pall Mall Nano Aroma Red (па 5,50 рубля). Увозіць жа кампанія плануе, напрыклад, Camel Compact і Camel Compact Blue (па 5,50 рубля).
У беларускіх вытворцаў і імпарцёраў цыгарэт ёсць права на штомесячную дэкларацыю максімальных рознічных цэн на тытунёвыя вырабы. І з пачатку гэтага года цыгарэты даражэюць кожны месяц.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары