«Раз ты гаворыш па-беларуску, значыць, ты большы беларус за мяне?»
Каб быць беларусам варта проста адчуваць сябе беларусам? Стась Карпаў у фэйсбуку дае свой адказ на гэтае пытанне.
Адзін чалавек спытаў у мяне з крыўдаю: «Ты лічыш, што раз ты гаворыш па-беларуску, значыць, ты большы беларус за мяне?»
І я адказаў чалавеку не задумваючыся ад чыстага сэрца і не крывячы душой.
Што я адказаў? Я адказаў: «Канечне». Я адказаў: «100%». Я адказаў: «Калі ты не ведаеш беларускай — значыць менавіта ты большы беларус за мяне?» Ну, пры іншых роўных.
Не, рабяты. Так я не гуляю. Гэта вельмі прыемна думаць, што «ўсё вакол аднолькавае», «усё не важна і не лічыцца».
Усё лічыцца, калі лічыць.
Каб быць беларусам, варта проста адчуваць сябе беларусам? Бясспрэчна. Так яно і ёсць. Але, напрыклад, каб стаць кіроўцам транспартнага сродку, трэба зрабіць болей, чым проста палюбіць тачку і панюхаць бензін. І нават калі вы атрымаеце пасведчанне катэгорыі Б, высветліцца, што бываюць добрыя кіроўцы і бываюць кіроўцы гаўняныя.
І ўсе вакол ведаюць, што гаўняныя кіроўцы называюцца гэтак жа як і астатнія, але ёсць нюанс. Я, напрыклад, так сабе кіроўца і нармальны беларус. А вы там самі глядзіце.
-
На магіле Вячкі Станкевіча на помніку — ні слова па-беларуску. Вось пра што гэта кажа наконт эмігрантаў, эміграцыі і «беларускасці ўнукаў»
-
Львоўскі: У Беларусі нацыянальнае свята — гэта рыцарскія турніры, у Расіі — сарафаны і карагоды
-
Прарыў мараканцаў у Сеуту: што гэта было? Ці магла гэта быць тонкая помста Вашынгтона Мадрыду? І ці адаб’ецца на легалізацыі беларусаў?
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары