Найлепшая летняя паста — тая, што ўпрыгожаная зелянінай. Перад падачай вы можаце аздобіць гэту страву вялікай колькасцю свежага базіліку або мяты.
Гэту пасту можна прыгатаваць усяго за 35 хвілін, і яна стане выдатным спосабам выкарыстаць летнія кабачкі. Фота: ABC Everyday, Heidi Sze
Сумесь кабачка і цыбулі-парэю выдатна спалучаецца з кансерваванай фасоляй. Таксама яе можна падаць яе з тостамі з маслам або яечняй з вялікай колькасцю перцу ў якасці прыправы.
Каб прыгатаваць макарону з кабачкамі, спатрэбіцца:
- ¼ шклянкі аліўкавага алею
- 800 г кабачкоў, нарэзаных кружочкамі таўшчынёй 1 см
- 2 вялікія (або 3 маленькія) цыбулі-парэі, нарэзаныя кружочкамі таўшчынёй 1,5 см
- дробная марская соль
- 400 г макароны
- 1-2 чайныя лыжкі белага віннага воцату (па жаданні)
- 90 г (прыкладна 1 шклянка) дробна нацёртага пармезану, плюс яшчэ трохі для падачы
- свежамолаты чорны перац
Як гатаваць
- Пастаўце вялікі рондаль з вадой на агонь і давядзіце ваду да кіпення.
- Нагрэйце алей у вялікай патэльні з тоўстым дном на сярэднім агні. Дадайце туды кабачок і цыбулю-парэй разам з 1 чайнай лыжкай дробнай марской солі. Перамяшайце, накрыйце вечкам і пакіньце гатавацца на 15-20 хвілін, час ад часу памешваючы і запавольваючы агонь, калі гародніна пачне рабіцца цёмнай (вам трэба, каб кабачок і цыбуля сталі мяккія, а не цямнелі). У залежнасці ад таго, колькі вадкасці ў вашай гародніне, вам можа спатрэбіцца дадаць трохі вады, каб гародніна не падгарэла.
- Пасля таго, як вада закіпіць, дадайце поўную сталовую лыжку солі і зварыце пасту al dente (то бок не пераварыце пасту, бо яна будзе гатавацца далей з сумессю кабачка і цыбулі). Захавайце 1 шклянку вады, у якой варылася паста, перад тым як зліваць ваду.
- Як толькі цыбуля-парэй стане мяккай, а кабачок пачне распадацца, павялічце агонь да моцнага і дадайце прыгатаваную пасту разам з невялікай колькасцю вады, у якой варылася паста. Хутка і старанна перамяшайце (пры неабходнасці дадайце яшчэ трохі вады, у якой варылася макарона), затым выключыце агонь.
- Дадайце белы вінны воцат, затым пармезан і перац. Перамяшайце. Падавайце з дадатковым пармезанам і перцам па жаданні.
Цяпер чытаюць
Жанчыне, якая выгукнула ў філармоніі «Слава Украіне!», далі 20 сутак7
Каментары
не атрымаліся з першага разу ў мяне (
зрэшты я ж так і разлічвала
таму доўга баялася брацца за іх
хінкалі апынуліся неяк нават прошчэ
чым каклеты па-кіеўскі