Стаў вядомы прысуд пінскаму журналісту Яўгену Мікалаевічу, які вярнуўся ў Беларусь
У пачатку кастрычніка суд у Пінску прызнаў Яўгена Мікалаевіча вінаватым паводле часткі 1 артыкула 342 КК «Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх». Яму прызначылі пакаранне ў выглядзе паўтара года калоніі агульнага рэжыму, піша «Медыя-Палессе».
У 2020 годзе Яўген Мікалаевіч у якасці відэакарэспандэнта «Медыя-Палесся» асвятляў пратэсты ў Пінску супраць фальсіфікацыі вынікаў прэзідэнцкіх выбараў. Журналіст не прымаў непасрэднага ўдзелу ў пратэстах: ён вёў фота– і відэаздымку па рэдакцыйным заданні.
10 жніўня 2020 года пры выкананні службовых абавязкаў Яўген Мікалаевіч быў затрыманы і збіты. Пазней стала вядома, што Мікалаевіча спачатку адправілі ў СІЗА, а затым перавялі ў папраўчую калонію ў Івацэвічах. Калі журналіста вызвалілі, ён працягнуў сваю прафесійную дзейнасць на сайце.
30 жніўня Яўгена Мікалаевіча зноў затрымалі. Тады ён знаходзіўся воддаль плошчы, дзе праходзіла мірная акцыя пратэсту, не паспеў нават дастаць тэхніку. Яўгена прысудзілі да адміністрацыйнага арышту, але прысуд быў апратэставаны і журналіст застаўся на волі.
У лістападзе 2020 года Яўгена Мікалаевіча зноў выклікалі ў міліцыю Пінска па надуманай прычыне. Як ён пазней распавёў, пасля размовы са следчым, які не знайшоў дачынення журналіста да злачынства, яго затрымалі для адбыцця прызначанага раней адміністрацыйнага арышту.
Адбыўшы арышт, Яўген Мікалаевіч пакінуў Беларусь. Ён працаваў за мяжой у сферы, не звязанай з журналістыкай. У пачатку 2024 года ён вырашыў вярнуцца дадому і быў затрыманы. Невядома, калі менавіта гэта адбылося.
Імя Яўгена Мікалаевіча з'явілася ў спісе асоб, якія маюць дачыненне да экстрэмісцкай дзейнасці.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі6
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары
Зато НЕХТА набирает на работу украинцев, как будто беларусы закончились...